Read Ranglong 1 THESALONIKA 1 Bible Online

1 THESALONIKA 1 - Ranglong bible

1 THESALONIKA 1

¹Koini Paul, Sila le Timothi ngaiin, Pa Pathian le Puma Isua Kristana Thesalonikana kuibing ngai kom lungkhamna le phukdaina na kom u na chul rase.

²Koinin bor na zong kip le na raming u china na lom u na rang Pathian kom raisan chong nei ril babanga nei om.

³Koinin nei iam u na sin andit sika a pong le, na Puma Isua Krista ruia sabeina diar, koini Pathian le Pa makunga anzom thaka nei mandon.

⁴Asik chu o unai ngai, Pathianin ei adit bel ngai, koinin nana riat nangni hi anphun mi.

⁵Asik chu koini thangahui hi nangni kom chong ronga ni mak. Tenchu ranaka le Ratha Anthiang le achalaka andangphita ei hong tung na riat u do koinin na kom u na nangni rang hong mi mo nei ni ha.

⁶Hatuka nangni ha antak sabakam Ratha Anthianga raisanna chong ha nei pom u na koini lehan Puma a nuk nei zi u.

⁷Hantin han Makedonia na le Akaiana mi aiam ngai dora ranga om lak rua nei ni u.

⁸Nangni ata Puma chong rasa ei nei Makedonia le Akaiana rong ni mak. Tenchu Pathian tianga nei iam u na ha hava chong ha aloma asip zei hasika han koinin nei ril nang lai mak.

⁹Asik chu amanim aninga koini ruia hiva chong ei sema ei om u ha, nangni kom koinin hontinmo nei hong suak, hatuka nangnin hontinmo ramil ngai ata Pathian tiang nei kira nei hong u na adam, atak Pathian abiak theina ranga.

¹⁰Hanuk aman athi ngai kara ei mathui na matona ahong rang takasi ata koini ana khokpu vanram ata a Naipasal ha Isua nei lei ngak thei u na rang.