Read Ranglong 1 THESALONIKA 2 Bible Online

1 THESALONIKA 2 - Ranglong bible

1 THESALONIKA 2

¹Hantin han unai ngai nangnin naning u na na riat u, nangni koma nei hong suak hi hava ha mara buia om mak.

²Haneka Philipina han mana antak le maimokna tong sua le nei riat u, koinin na Pathiana nei ranga achalaka takasata, na kom u na Pathian thangahui achong nei ril ha.

³Asik chu koini nei manchu hi siatna le annimna ang le anhuangna ni mak.

⁴Tenchu Pathianin hantin han koini hi ei na manmin baka, koini chunga thangahui puak ei na peka ei siak; hantin han chong nei ril mi ei zotna rang duai ni mak tenchu ha Pathianin koini na malung ansinpu, ama ha arai mansan rei atia nei tho.

⁵Tenchu na riat u koinin mi ningola ahuang val ngal mak me Pathinin ariat.

⁶Hatuka min ei na manpakna rang val mak me, na kom u na ni mak, mi tei komam ni mak. Na nuam ten Krista kuitir ke na ni atia na puak u na ni nei anti thei keng.

⁷Tenchu hontinmo naitenun aranu ti le anaite u ngai ei zon ei manliang hantin den han na kom u na om annem nei tho.

⁸Hantin han koinin nei na dita Pathian thangahui rong ni mak, na theia nei damna na nuk tenpei ana pek ranga nei zot asik chu koini nei adit ngai nei ni u sika.

⁹Hantin aniten o unai ngai, koini nei pong le nei sol na riat u; nangni ranga puak nei chang nokna ranga sun zan sin nei tho chiana, na kom u na Pathian thangahui nei ril.

¹⁰Hatuka aiam na ni u na nangni koma koinin itukmo nei dik, nei anzik, siat abui nei ni hava ha ariata nei om u Pathian um ei om.

¹¹Na riat u pan hontinmo nai ngai ha hava anga koinin na rang u chipa lungngam nei na saka phukdai nei na pek.

¹²Hanuk adet mata chong nei na pek, Pathian mi rua taka leng u ro, ha arama le ei anlalna na ana pai u.

¹³Hasika han koinim anzom thaka Pathian kom raisanna nei ril, koini kom Pathian chong anga chong nei mana miring chong ni mak Pathian chong keng atina nei lei pom u ha, hava ha Pathian chong chu ei ni, hanuk aiam nei ni u ham nangni bila asin um ei thon zei.

¹⁴Asik chu unai ngai, Judana Krista Isuana Pathian ha kuibing a om dora ha nangnim nei zi u, asik chu amani ha Juda ngai ata antakna ei man u, nangnim na nam mi u ngai ata hantin den antakna nei man u.

¹⁵Juda ngaiin Puma Isua le deari ngai ei that u hanuk koinim ei na rahok u, amani ha Pathian zot ni u mak hanuk mi doram ei dui u.

¹⁶Amanin Jentail ngai koma azokna chong nei ril rang ana khar u. Hantin han aninga ei siat u na ei manson riam u. Tenchu akom u na taksit adongna atung zei.

¹⁷Hatuka o unai ngai, hun alakte rang malung tiang ansen luia, mel tiang ronga nei lan sen sika, ranak asong sabak chunga na mel u mu ranga nei val sabak sa ei ni.

¹⁸Asik chu koinin achalaka koi Paulin voi khat, voi anni na kom u na ase rang kei val, tenchu Soitanin ei na khar tit.

¹⁹Koini na Puma Isua Krista ahong ret tika ama makunga nangni ngai hi ni mak mo koini nei ngamna, na raisanna le nei anzuina?

²⁰Ataka, nangni hike koini nei anpakna le koini na raisanna.