Read Ranglong 1 THESALONIKA 3 Bible Online

1 THESALONIKA 3 - Ranglong bible

1 THESALONIKA 3

¹Hasik han hiva baka chu diar thei lai mak mena Atheni khuana na binga om rang na masuk.

²Hanke koini na parual Krista a thangahuia Pathian akuitir Timothi ha, ama ha nei hong tir aman ei na mandeta hanuk nei iam u na ruia lungngam ana sak u rang.

³Ha antak ngai dora han tute sok cha no rase. Asik chu nangnin na riat u koini hi hava rang ngala anphun keng na ni.

⁴Hatuka koini hi antak nei tong nget rang hi; hava ha koini mana na kom u na na om lai hava han nangni rang nei na ril, hava ha ei chuk ani zei. Hava ha na riat zet u.

⁵Hasik han kom diar thei pial lai makunga, nei iam u na ariat ranga ama ha nei hong tir, nei mandon hi anan sinpu lam hontin lam mo ana mansin atia koini nei pong akorong chang ni.

⁶Tenchu atun Timothi hi na kom u ata koini kom ahonga, nei iam u le nei adit u na thangahui asa ei na hong ril. Hanuk ei ti nangnin lungkhama nei na mandon babang u ha koini nin um nei na mu zot anga nangnim nei na mu zot u.

⁷Hasik han o unai ngai, nangni sika koinin nei tongna rui le nei tiar u na han, koinin lungngamna nei man.

⁸Asik chu Pumana na ngir u tenchu atun koini hi a dam na ni zei.

⁹Atakam nangni sik koini na Pathian makunga raisanna dora le rai nei mansan hi, hava thulna rang atina nangni ranga Pathian ha hontinmo raisanna ril thei ma ni?

¹⁰Koinin na mai u nei mu theina ranga le nei iam u na ansam ngai dora nei makhip theina rang sika sun zan achalaka bor nei zong.

¹¹Hatuka koini Pathian le Pa aninga han koini na Puma Isuan nangni na kom koini lampui man ong rase.

¹²Hatuka koinim nangni ranga tak nei sat anga, Puman nangnim nangni le nangni chunga anditna maphunga man son u ro.

¹³Hantin han ami anthiang ngai dora le koini na Puma Isua ahong tik le, aman koini na Pathian le Pa makunga na malung u ngai anthianga, dem kai luia ei mandet theina rang.