Read Ranglong 2 THESALONIKA 2 Bible Online

2 THESALONIKA 2 - Ranglong bible

2 THESALONIKA 2

¹Hanuk, o unai ngai, koini na Puma Isua a hong ret le akom nei va omna rang ruia: Keina mathem ani u zei,

²Ratha lehan, chong lehan, hanuk koini nei maziak atina lekha lehan, malung angir atam anpon u na, anlai ranga mandon u no ro. Puma Nikhua ahonga tung keng a ni zei atia.

³Tuten na huang pial u ni. Asik chu mansana han Pathian a chongtak ata Aselna ha hong tung bak inti, hanuk asia thopu, anpei rang ngala nai ha ahong asuak maseng chu ha Ni ha hong tung no ni.

⁴Aduipu ni inti, hanuk Pathian raming anphuana le doi ngai ata aninga anlian inti. Pathian biakinam ansuta aninga Pathian antia anlang inti.

⁵Na malung chui u mak mo? Mana na bil u na ka om lai han hava lai han hiva dora kei na ril kiar u ha.

⁶Hatuka ama ha ahun taka anlang ranga imo ama ha akhara asiak hava ha na riat u. A hun taka ha Asiatpu ha hong anlang inti.

⁷Asik chu Asiatpu Rui anthupin atun sin ei tho, atun angkhat dak rongin ke ankhai maseng ei khara ei siak.

⁸Hatuka hatik han ha Asiatpu ei anlang rang, ha Puma Isuan amur thinthi lehan hal intia hanuk ama ei khelna ei anlangna lehan hek inti.

⁹Ha Asiatpu ei hong han Soitan a sintho ang taka milak tho theina dora le andangna tin le tichangbuia riatna le nin ti.

¹⁰Hanuk anpei ngai ha amani ruia asiatpu ei chavei chunga ni inti, asik chu azokna ei man u na ranga ditna atak pom u mak.

¹¹Hatuka hava ranga Pathianin, amani kom anhuangna ranak arat khat ei man hong amanin ha milak ei iam u na rang.

¹²Hava ngai rui ei anrilna ranga atak iam u lui ngai ha, asiata han ei zot u.

¹³Tenchu, o unai ngai, Puman ei adit ngai koinin nangni rang Pathian ha raisan chong aril chian na nang, asik chu Pathianin aphut ata nangni hi Ratha Anthiang apeka le atak aiama azok ranga ei na phun u.

¹⁴Hanuk hava mandona koini thangahui lehan nangni hi ei na pai um u, nangnin koini na Puma Isua ei anlalna nei man u na rang.

¹⁵Hantin aniten, unai ngai, angira om u ro hanuk koini ata chonga mo, lekha lehan mo, anchuna nei man u ngai dora ha, hava ha surtit u ro.

¹⁶Hatuka koini na Puma Isua Krista, ama le koini Pa Pathian anan dit han, hanuk lungkham lehan detanlon phukdaina le sabeina sa ei na pek.

¹⁷Aman na malung u ha phuk mandaia hanuk sin asa dora le chonga mandet rase.