Read Ranglong 1 TIMOTHI 3 Bible Online

1 TIMOTHI 3 - Ranglong bible

1 TIMOTHI 3

¹Hiva chong hi iamrua, ulian achang rang azot chu ama ha chu sin asa tho zot keng.

²Hantin aniten hiva hi ei nang ruaipu ulian dem kai lui, nupang khat ruathar, anrung thei, malung adik, mi dik, mi pham athei, minchu thei.

³Anri mang lui, mi zem mang lui, mi ruidai ni rase, ansual zot lui, sum andit ni no rase.

⁴Lalchi taka a insung asadima a ruai hanuk angir zata anai ngai ha hen tel,

⁵ten a insung ruai thei lui ha chu aman hontinmo Pathian kuibing zek thei ni?

⁶Ama ha aiama thar ni no rase, borai thona lam Diabol arui rilna na achul ngai.

⁷Hatuka tual pang mi ngai kom um rilru asa ei lo rang anang. Ero le Diabol a lena lam anok ni

⁸Hantin han kuibinga ruai ngai ei nang u amani ha angir ni rase, chong anni mang ni no rase, zu aneka anmang ni no rase, aman riak ranga ningaol ni no rase.

⁹Hanuk sia le sa riatna anthiang, iamna rui anthuk mang rase.

¹⁰Hatuka man ata hangai ha mansin bak rase andem lui aniten a dorbo andoma sin tho rase.

¹¹Hantin den nupang ngai um angir, ankhal nuam lui, khamaret nei lui, alompeia iamrua nu ni rase.

¹²Dorbondom ngai ha nungak angkhat adon ruathar ni rase, hanuk asanai arati le a in u asadima aveng thei ni rase.

¹³Asik chu asadima hasondom sin atho ngai chu amani ranga dingmun asa hanuk Krista Isua ruia iama achalaka rangna a man keng.

¹⁴Anrapa na kom hong suak ka ti hava ha kei sabeia hiva dora keina hong maziak.

¹⁵Tenchu ka sot ten hava han na lei riat thei u na ranga Pathian ina hontinmo nei leng nei anmang rang hava in ha adam Pathian kuibing atak lungpui le chopui adet.

¹⁶Hatuka anmokna rui maruk alian hava ha lokona pom rua: Taksana ahong anlang ha, Rathana adika ei hong ni, vanpalai ngai kom ei hong anral, Nam ngai laia ei anril ramuala Iamna lehan ei anpom ei anlianna le chunga ei ruai.