Read Ranglong 2 TIMOTHI 2 Bible Online

2 TIMOTHI 2 - Ranglong bible

2 TIMOTHI 2

¹Hantin aniten o ka naipasal Krista Isua lungkhama rat ro.

²Hatuka mi tampa mura chong ka koma nei riat ha hava dora iamrua mi tei anchu thei rang ngai koma manthei ro.

³Nang hi Krista Isuana sipai asa anga ka bila antak atiar zot ro.

⁴Min mi le andui lai tak aninga ramual ruia ankhit mak anduina anthopu ei zotna ranga hanke ei tho.

⁵Hanuk andui u na adan anga adui pui nok ten ratna lukhu le anliang thei ngai mak.

⁶Phai atho ha apong, ten ama ha mara mansa ei man ha adik.

⁷Kei ril tak hi hiva hi mandon ro asik chu Puman alompeia hianna na pe inti.

⁸Isua Krista hi mandon ro, ka thangahui anga ama hi athi ngai bil ata anthui David akhuk.

⁹Hava thangahui ruia koi hi mi salui anga ankhit tenpei antak kei tiar tenchu Pathian chong an ok mak.

¹⁰Hasik han anphun ngai ranga aloma kei diar, amanim Krista Isuana zokna anlon anlianna le ei manna rang.

¹¹Hiva chong hi aiam rua: “Asik chu koini hi ama bila na thi ten, ama bila adam um dam inti.

¹²Na doroi tit anten, abila reng um chang inti. Na tel nok anten, amam koini hi na tel no ni.

¹³Koini hi iamrua nok na niam ama chu iamrua ei ni, aninga antel luia om ngai ma.”

¹⁴Hiva chong ngai hi manthei ro, Puma makunga adeta manlang ro, mi ngai ha ei ankhal nokna ranga asik chu hava han ite ei lokna om mak, ariat ngai hake ahekna ei ni pe u.

¹⁵Nang hi naninga abutamin mi nia an lang ro, sin atho mi ni ro hava ha anzak nang mak, chong dik asadima na mang ngai atia ariat chaka.

¹⁶Tenchu dikna bui achong papei ha nuksir son ro, hava ang mi ngai chu Pathian andon amak tiang anson inti.

¹⁷Hanuk achong um pan aser anga anson riama pan intia, hek tir inti. A bil u na Humenai le Philet anchel u.

¹⁸Amani ha atak ruia chu derdin bui ani u zei, anthuiretna chu ani sua zei ati u. Hanuk senkhat iamna ama let u.

¹⁹Hanum ni rase Pathian phun chopui adet, abul adeta a om, hava a chunga han hiva chong hi mor anzem zei: “Puman ariat tutu mo ama ta” hanuk “Puma raming ati tak chu ama ha adik nokna ata ankhai rase.”

²⁰Tenchu in alianpana rangkachak le rupa bel rong ni mak, thing le phil um a om hava bila atel rua le atel nok rua.

²¹Hantin han hiva ngai ata aninga anthiang tak chu ama ha lalchi tho rua, Puma anthiang asin atho rua sin asa dora ranga ansin inti.

²²Ten nang chu vanglaia ningol ata rot ro, hanuk malung anthianga Puma apai ngai ha chu amani bila dikna, iamna, ditna le phukdaina, razul ro.

²³Tenchu amo okanang ankhal ngai tel no ro nangin na riat hiva ngaiin anduina ke ei masuak.

²⁴Hatuka andui hi Puma suak rua ni mak. Tenchu mitin ranga annui nara minchu rat, phukanchuala nisela.

²⁵Hanuk annui nara anadui ngai ha asep ama ranga ansuk. Pathianin amani ha malung anthulna apek um thei.

²⁶Hanuk chu anriat theina ahong don u na Diabol ei zot zat atho ranga changte na ankhit ata a hong azok ving thei keng.