Read Ranglong 2 TIMOTHI 4 Bible Online

2 TIMOTHI 4 - Ranglong bible

2 TIMOTHI 4

¹Koi Pathian a makunga hanuk ha adam le athi ngai rui aril rang ha Krista Isua makunga ei anralna le aram raminga taksata keina manthei ani zei.

²Chong ril ro, ahun le ahun nokam put tit ro, adiar zita le anchu chunga chunngo tho ro, ei thei u nok manthei tan lungngam sak ro.

³Asik chu anchuna dik ei rangai zot u nokna rang hun la hong inti, tenchu kuar anthaka amani ei zot a anga anchuna mankhom unti.

⁴Hanuk ataka akuar u makhira sim papei tiang lamdik lui pan unti.

⁵Ten nang chu alompeia anreng tan antak tiar tan thangahui aril sin tho ro, na hasondom makhip ro.

⁶Asik chu atun koi hi dali kan dar lai tak hanuk kei suakna rang hun ahonga suak zei.

⁷Anduina sa na kei anphala lampuia rikung ahek tenpei kei tana iamna kei rung.

⁸Atun ata ka ranga ansiak sua dikna lukhu anthoia a om. Puma ha adik ruirilpu han ha nikhua han na pe inti koi rong ni mak ama ei anlang rang a zot dora ham pe unti.

⁹Anrapa ka kom hong ro.

¹⁰Asik chu Dema ha atun taka ramual adita ana mak zei, hanuk Thesalonikana ase. Kresken chu Galatiana, Tit chu Dalmatia na ase.

¹¹Luk athei dak ke ka koma a om. Mark ha na bila hong ruaia hong ro. Asik chu ama ha hasondoma achan ana san.

¹²Hatuka Tukhik ha Ephesina ka tir.

¹³Troa na Karp a koma, zani kei hong mak ha na hong tik hava le hanuk lekhabu ngai mevun lekhabu senkhat ha hong choi ro.

¹⁴Alekzandar kangsa sut han achalaka ana machai Puman asin tho anga thuan inti.

¹⁵Nang um hava mi ata anreng ro asik chu aman koini na chong anadui sabak.

¹⁶Ruirilna na kan ding mansa lai han ka ranga tute honga suak om mak ana mak zit u, hava ha amani ranga antel no rase.

¹⁷Tenchu Puma ka kola anding hanuk ei na manrat, koi lehan chong aril sin ei anthona rang hanuk Jentail mi ngai doran hava ha ei rangai u na rang, hatuka koi hi akoibaknei bai ata kei zok.

¹⁸Puman koi hi sin asiat ata na mazok inti hanuk a vanrama na makhal inti. Umor umor taituana anlal rase! Amen.

¹⁹Prisikilla le Akuila hanuk Onesiphor a inkua ha raisan chong na mantung pe ro.

²⁰Erasta chu Korinth a na om hanuk Trophima chu ei na sika ama ha Miletana ka hong mak.

²¹Nudin man ahongna val ro. Eubula, Pudena, Lina, Klodia ngaiin chibai ana hong tho u.

²²Puman nang le koi na ompui rase lungkhamna chu na bil u na om rase.