Read Ranglong TITA 1 Bible Online

TITA 1 - Ranglong bible

TITA 1

¹Paul Pathian suak, Isua Krista kuitir akoma, koi hi Pathian mi ngai iamna asan rang le Pathian abiak dikna tianga annai ranga ei na thang,

²hava ha taituan damna azina. Pathian milak tho ngai lui, hiva damna hi ramual ansiang man ata achongtin,

³ahun taka achonga a manlanga, hava ha ka kom ei na be, hatuka hava ha Pathian sandampu chongpek anga kei ril.

⁴Tita iamna na ka naipasal kom kei maziak ha lokon nei don ha. Pa Pathian le Krista Isua koini na sandampun lungkhamna le phukdaina na pe rase.

⁵Kreta keina makna asik ngai chu rui tang lan sua lui ngai azek vang rang le hatuka khopui kipa kuibing ulian aphuntir rang ani na.

⁶Upa rang chu dem kai lui, nungak khat adon, anai ngai dora Pathian chong aiam hanuk aliak anbona rahai ansak tianga dem kai lui, dan don lui anga asia anlo lui ei ni rang anang.

⁷Asik chu kuibing upa chu Pathian kuibing avongpu ei ni sika masial abui ei ni rang. Atakasi len, zu nek, anrum, poisa andit ei ni nok rang.

⁸Mi pham thei, asan dit, aninga anrung thei, malung adik anthiang le azek mi ei ni rang.

⁹A chong ril ha ei sur rang, iamrua ei ni rang, Pathian dan le anpon. Hivan tin keng mi ei mathor thei rang anchuna dika hatuka adui ngai masial manmu thei inti.

¹⁰Asik chu mi tampa a om Juda ata ahong anthul, asia le mi huang u na hatuka omze bui le.

¹¹achong ril ngai akhar anang, asik chu inkosung a manpon aril nok rua aril u na anzakpui a om khopa manna rang aput u chachak.

¹²Hava han Kreta mi len a deari u, adik arila hintin hin aril, “Kreta mi ngai milak athei u, mi siat, dok anruak.” Hava sik taka han ana sabaka ango ro, ei iam u na ei det theina rang,

¹⁴hatuka Juda tho dan aser khukha sur u lai ni, hatuka miring chongpek dikna apei ngai kom ata asuak tiang malung pe u no rase.

¹⁵Aloma anthiang kiar ke anthiang ngai rang chu, ten asiat le iamlui ngai ranga chu anthiang ngal om mak, asik chu a malung u le a mandon u asiat.

¹⁶Pathian na riat ati u, tenchu a om danin zi u mak, hava ngai ha antir rua, hetel lui asa tho ranga ansuk u lui.