Read Ranglong TITA 3 Bible Online

TITA 3 - Ranglong bible

TITA 3

¹Na mi ngai aril atai, ulian ngai kom anpe u rase ahe tel u rase lampui kipa asa tho ranga ansin u rase ril ro.

²Tuten siat ril u no rase, tenchu phuk daia angoia, umora omdan asana mi dora kom manlang rase.

³Koini hi voikhat chu nei mo, mi he nei tel nok nei dik nok. Zotna le ahui suak nei ni, milaka nei anmang, taksi nei don; mi nei mumak anga min ei na mumak.

⁴Tenchu Pathian sandampu lungkham le ei na ditna ahong anlanga,

⁵ana mazok. Tenchu koinin sin asa nei tho sika nimak tenchu ama atheia lungkham han koini ana mazok, Ratha Anthiang le anzirtharna ana peka hatuka damna thar le ana rasuka.

⁶Pathianin atampa Ratha Anthiang koini tak chunga aleia Isua Krista koini sandampu lehan,

⁷asik chu a lungkham lehan Pathian le nei anngoi theina ranga hatuka nei iam, taituandamna nei lua theina rang.

⁸Hiva chong aiamrua ani na. Hiva rui hi abinga aril rang ka zot, asik chu Pathian aiam ngaiin ahun aluna ei pek thei u na rang om asa thona hava ngai ha mitin rang amang rua le asa ani.

⁹Tenchu ankhalna dik lui, na khuk na zama aril lup Dan ruia, ansual ankhal bang u ro. Hava ngai ha mangrua bui, man nei lui ke.

¹⁰Ansenna asin ngai voi anni rakok ro hava suale tel lai no ro masuak ro.

¹¹Hava ang mi ngai chu mi siat a pap un asiat atina a manlang.

¹²Artema mo, Tukika mo na kom ka hong tir le Nikapolia ahongna enro, asik chu havan nudin amang ranga kan sin.

¹³Zena dan ariatpu le Apollo khual se u na ranga achan san ro, enro ei nang u dora don u rase.

¹⁴Na mi ngai asa thona hun amang anchu nang, anang ngai ei anzon u theina rang; om papei u no rase.

¹⁵Ka bila om ngai doran kut anan surpui u. Iamnana, na lom ngai kom nei amokna mantung ro. Pathian lungkhamna na bil u na om rase.