Read Ranglong HEBRAI 1 Bible Online

HEBRAI 1 - Ranglong bible

HEBRAI 1

¹Machin chu Pathianin na chipui ngai ei chong pui ha deari ngai amanga, lampui atei ateia, zetama,

²tenchu hiva nikhua hek tiang chu a Naipasal le ana chong pui. Ama lehan Pathianin chung thuai ei sin, ahek tik alompeia alua ranga Pathianin ama ei athang.

³Pathian lianna ra-ang aman ei el hatuka Pathian nina aman ei phua zek, achong ranak le chung thuai ei zon. Miring pap andualna aman suale vanrama Pathian chang tiang ansut thotheina ansangkhit le.

⁴Naipasal ha vanpalai ngai neka aliana ei sin, araming Pathianin ei pek anga amani ranga alian.

⁵Asik chu Pathianin a vanpalai ngai kom: “Nang hi Ka Naipasal na ni; Avian hin keina nei ani zei,” ati na. Hanuk chu ati reta: “Koi hi ama a Pa chang ka ti. Ama chu ka ranga Naipasal chang inti,” ati na.

⁶Tenchu Pathianin a Naipasal mansa atir rang tiang ramuala, aman ei ti: “Pathian vanpalai ngai doran amok rase.”

⁷Tenchu vanpalai ngai arui chu Pathianin ei ti, “Pathianin a vanpalai ngai thinthi a manchang, hatuka asuak ngai moidon a manchang.”

⁸Ten Naipasal rui chu, Pathianin ei ti: “Nang na ram, O Pathian, taituan tenpei om inti! Na mi ngai tak chunga dikna le rui nei ril.

⁹Adik nei adit adik nok nei mumak Hasik han Pathian na Pathianin ei na thang hatuka lalchi mana raisanna na lom atei ngai neka atama ei na pek.”

¹⁰Hivam ati: “Puma, nangin, aphuta phil nei sin hatuka na kut le anvan nei sin.

¹¹Lanpei unti, tenchu nang chu om na ti; Puan anga lakhel inti.

¹²Puan anga lathep na ti, hatuka puan anga lanthul unti. Ten nang chu amun bang na ni nei damna hek ngai mak.”

¹³Pathianin a vanpalai ngai kom, “Hin ka chang tiang ansut ro na raldui ngai na kepha thuaia ka siak maseng la ti ngai mak.”

¹⁴Hanle vanpalai ngai hi imo? Amani hi ratha Pathian abiak ngai sandam aman rang ngai asan ranga ei tir.