Read Ranglong HEBRAI 10 Bible Online

HEBRAI 10 - Ranglong bible

HEBRAI 10

¹Juda Dan hi kip maka hanuk om alak rua ni maka; atak tak anga, asa ala hong rang anthiang sadim luia ariat na mei. Havantin ang han dali umora andar kum antin pei. Hava han hontinmo Danin ha dali andar ngaiin mi Pathian ahonga pan ngai mansua ni?

²Pathian anmok ngai dora pap ata anthiang ni u sela pap sika asia anlo u no ni hatuka anbolna dora mong zei ni.

³Tenchu kum antina anbolna han mi ngai apap u ngai a manriat.

⁴Asik chu serat le kel thisenin pap mansai thei mak.

⁵Hiva sika hin Krista ramuala ahong rang tiang, Pathian kom ei ti: “Anbol le adar zot mak che na, tenchu ka rang taksa na mansuk.

⁶Me anhal le maichama dali andar pap saina ranga na phuk daimak.

⁷Hatuka kei ti, ‘Hivan ka om, na racham azi ranga o Pathian, Dana ka rui anziak anga.’ ”

⁸Mana ei ti, “Anbolna hi zot um mak che na phuk um dai mak, hanuk maichama sa adara ahal, ha dalin pap ansai ranga zot mak che.” Hiva hi ei ti Dan anga dali ngai andaram.

⁹Hatuka ei ti, “Hivan ka om, O Pathian, nei zot atho ranga.” Hasik han Pathianin anbolna marua akhai kiara hava ngai muna Krista dali ha asiak.

¹⁰Isua Kristan Pathian ei zot anga ei tho sika, koini ngai na loma pap ata nei anthiang ha dali aman ataksa le ei tho voikhat mi dora ranga.

¹¹Juda chaizung doran asin atho u nikhuan tin, ha anbolna ang den atho chian u; tenchu hiva anbolnan pap mansai thei mak.

¹²Krista hanum nisela anbolna voikhat, pap ngai sika, ha dali han umor tenpei azo, hatuka ama ha Pathian changtiang ansut.

¹³Havan a maruang a raldui ngai ake thuaia Pathianin a manthin maseng.

¹⁴Anbolna angkhat le umora rang ansuana pap ata sai theina man ngai chu.

¹⁵Hatuka Ratha Anthiang um ei na riatpuina aril. Mansana ei ti chu:

¹⁶“Hiva chongtin hi amani le kei tin rang, nikhua hong ranga hin, Puman ati: Ka dan ngai amalung u na siak ka ti, hatuka amalung u na maziak ka ti.”

¹⁷Hava suale aman ei ti, “A pap u ngai le asanok ei tho u ngai retit lai no ning.”

¹⁸Hasik han hiva ngai hi andual zei, dali pap saina rang nang lai mak.

¹⁹Ka lom ngai hanoten Isua thina le ningneina na don Mun Anthiang Sabaka ase theina.

²⁰Aman koini na rang lampui athar a malong, damna lampui ha puan anzar aseta hava ni zei ha ama a taksa le.

²¹Chaizung alian tak na don Pathianin a en.

²²Tho Pathian kom se u rei malung takasata hanuk iamna taka, malung mandon siat ata anthial suale taksa ti anthiang le ansuk.

²³Sabei rua nei ril hi adeta sur u rei asik chu Pathian nei iam thei a chongtin arung ranga.

²⁴Anpoisak u rei, ansan u rei, lungkham anmuna asa tho u rei.

²⁵Nei anchun chachak hi bang u no rei, mi senkhatin ei tho anga. Haneka tho sa u rei asik chu na mu u zei Pathian nikhua anai zei.

²⁶Anbolna om lai mak pap saina ranga, ariat uama pap na tho bangten adik ariat sua na ni na.

²⁷Ruirilna anchi om sabak a hong atung rang le adui ngai ei kang u na rang mai ke matona a om.

²⁸Mosi Dan tel lui tak chu, lungkham muthak luia anthat rang ei ni, ei sia amu anni mo haneka tam mo ani ten.

²⁹Hanle hontinmo Pathian Sapa tel lui ngai hi? Pathian chongtin na thisen anema amu ngai pap ata ansai thei ha, lungkhamna Ratha asiat aril ngai. Mandon ta itukmo aduk ei na u rang ei ni!

³⁰Asik chu na riat tumo ati, “Koiin ratha thuan ka ti, koi thuan ka ti;” hintin um ati na, “Puman ami ngai rui ril inti.”

³¹Pathian adam akuta chul hi anchi rua ke!

³²Machin hontinmo nang le ei ni re ro. Hava lai han Pathian ra-ang na chunga a el suale, a tiar rua tampa nei tiar tenchu hava ngai han andok um mak che.

³³Tenkhata ero na saka duk um na tiara, tenkhat reta hintina a tiar ngai le nan lop zota.

³⁴Lungina ankhum ngai duk na tiar puia, na nei ngai dora ana pot u na raisan taka na diara, asik chu nan riat nei la don ala om hava ngai neka asa umor tenpei siat lui rang.

³⁵Nei ngam mong no rase asik chu nei man rang hiva bila a om.

³⁶Pathian ei zot atho rang le achongtin aman ranga a ot na nang.

³⁷Asik chu Pathian chongin ei ti anga: “Sot rei luia, ahong rang chu hong inti; sot lai no ni.

³⁸Ka mi dik ngai chu hanum ni rase iam untia hatuka dam unti. tenchu akir ret tak chu achunga zot no ning.”

³⁹Koini hi akira anpei ngai ni mak me. Ten iamna dona azok ngai na ni.