Read Ranglong HEBRAI 12 Bible Online

HEBRAI 12 - Ranglong bible

HEBRAI 12

¹Hasika han sumpui alianpa anga ana riatpui ngaiin ei na hual ving sika hin, koini anan oktit thei a riktin abei cheka koini taksa a koptit asia tin chu khai u rei.

²Na mit Isua tiang asiaka nei iamna aphut ata ahek tenpei nei anbetokna na Krosa anpek rang zot luia om mak. Ha raisannan ei maruang sika mualphui ansaka athi itena tel mak, hasik han atun chu Pathian reng sutmun changtiang ansuta.

³Mandon uta imo ei tiar ha; papi ngai kom ata itukmo mumak ei kai! Hasik han na boi mandong u no ro mathan u no ro.

⁴Pap nei dui u na athi tenpei landui pui u mak che.

⁵Pathianin ei na mathorna chong a nai ngai anga ei na ril ha nei mangil u mo ni zei. “Ka nai rangai sadim ro, Puman ana manchu le, ana ngo le na malung masiat no ro.

⁶Asik chu Puman ei madit ngai rong keng ei rakok, Hatuka anai anga ei pom ngai ke ei zem.”

⁷Nei tiar ngai hi Pan ei na zem anga diar ro; nei antakna ngaiin Pathianin a nai anga ei na enna ti amanlang. Nai a pan ei zem nok mo a om?

⁸Antak na tiar nok ten anai ngai anga anai tatak nimak che.

⁹Miring pa ruia, duk anapek u na lalchi nei tho, itukmo nei lanpek sa rang Rathana na pa kom.

¹⁰Koini miringa na pan chomokhat ranga duk ana pek asa ei ti anga; tenchu Pathianin chu koini nei sana rang keng ei tho; ei anthiangna nei changna rang.

¹¹Antak na tong le malung ana anga na mandon na raisan maka. Nuka, anchu sua ngai chu damna anthiang ahong at u.

¹²Na kut akham alang ro, na mankhuk annok mandet ro!

¹³Lam anzika kal choi ro na ke khor chole luia om ni, ten ei damna rang.

¹⁴Mi dora le anngoia, anthianga om ro, asik chu havan tin nokten tuten Puma mu no ni.

¹⁵Pathian lungkham ata anhoi ret rang rung ro. Thing akha amonga atur le ei masiat ang ni no ro.

¹⁶Esau anga dikluia ratha noka om u no ro, bu bai khat sika a ulian nina a zuar.

¹⁷Nuka, na riat u hale a pa borsang aman ret rang azota, tenchu anhenga asik chu imo ei tho ha athulna chang relai mak mitrathi le ngal a en retam.

¹⁸Israel mi ngai ei hong anga nang chu hong mak che na, Sinai mual moi ra-ang, ha azing, phaivua,

¹⁹totorot rasa, he rasa. He ariat u na he relai no rei atina a zong u.

²⁰Asik chu diar ulai mak ei ti ngai, “Me ngalin hava mual aton ten lung ei andenga ei anthat rang.”

²¹Ei mu ngai anchi aruai sabaka Mosin, “Ka chi kan nok,” ati!

²²Hanek ten Zion tanga Pathian adam khopui van Jerusalema, asang atampa vanpalai ngai le na hong zeia.

²³Pathian nai mansa raisanna anchun nana na hong zei, a raming vanrama anziaka. Pathian kom na hong zeia mi dora arui azek, mi asa ngai ratha ei makhipna.

²⁴Isua kom na hong zei chongtin athar ansuk ha thisen anthe Abel neka chong asa chong atin.

²⁵Anreng u tan chong ana ril rangai zot luia om u no ro, asik chu phil chunga amani rang chong arilpu mana ei pom u nok sika lua antakna ata azok u nok ten Itukmo zokluia om mani anvana chong arilpu kom ata vang nan khai ten!

²⁶Havalai han A hen phil a nik, atun chong atin ret. “Atun voikhat phil rong nimak anvan um anik sa ka ti.”

²⁷“Atun voikhat” ti hin asadima amanthiang ansin dora anik intia khai inti, hankeng annik salui ei om rang.

²⁸Tho na rai mansan urei, asik chu, rengram khat nei man annik salui ram.Raisana Pathian amok u rei amalung ei daina rang anga, lalchi thona ka nang ti ariata;

²⁹asik chu koini na Pathian chu moia mi hal biang a mang ke.