Read Ranglong HEBRAI 13 Bible Online

HEBRAI 13 - Ranglong bible

HEBRAI 13

¹Kristian lungkham anmu anga anmu chian u ro.

²Na ina khual apham re u ro. Asenin hintin atho na, riat lui kara vanpalai ei lei mantung.

³Lungina a om ngai re u ro; nang um amani bila a om anga, antak ngai re u ro. Nang um amani anga antak atiar anga anbe ro.

⁴Anom hi mi doran lalchi ei tho rang, pasal le nupang iamrua ni u rase. Dik luia om ngai le uiare ngai chu Pathianin zek inti.

⁵Sum andit ata ankhai u ro nei don tuka na phuk mandai u ro. Asik chu Pathianin ei ti. “Na mathan no ning na heng no ning.”

⁶Hasik han angama ti u rei, “Puma chu ana san, Achi no ning Imo min ei na tho thei?”

⁷Mangil u no ro analeia ruai u ngai na kom u na Pathian chong ei ril mandon sir u ta hontinmo ei oma ei thi u, hasik han amanin ei iam anga tho u ro.

⁸Isua Krista chu mizan, avian umora munkhat keng.

⁹Anchuna tichangabui pangaiin lam adik ata na ruai u no rase. Sungril ranak Pathian kom ata aman asa riti azina neksak ruia nimak; hava riti ngai azina hava ngaiin san mak.

¹⁰Ha chaizung ngai Juda Pathian mokna sin atho ngaiin koini maichama andar ite sathei u mak.

¹¹Juda Chaizung Lianin me thisen ahong choia Mun Anthiang Khit pap ngai sika dali adar ranga; tenchu me ha tualpanga anhal.

¹²Hiva sik hi ani Isuam khopui tualpanga ei thi miring pap ei man saina ranga ama aninga athi le.

¹³Tho hano, khopui tual panga se urei a mualphui ansak nei ansem puina rang.

¹⁴Koini rang hi phila khopui adet om mak khopui a hong rang nei en.

¹⁵Tho umora anpakna dar urei Pathian kom, Kristana na dali dar anga, hava ha mur le dali adar anga ama ha Puman ei ti anga.

¹⁶Asa tho ranga mangil u no ro, hatuka ansan, asik chu hivantina andar hike Pathian ei zot.

¹⁷Ana ruai ngai he tel u ro, hatuka ei ti u ang zi u ro. Pongansa luia na ratha u aveng, asik chu asin tho u Pathian kom abe nang. A he u ngai na tel ten asin tho u raisana tho unti. Hanoten malung ana chunga tho untia na rang alamluana om no ni.

¹⁸Koini na rang borzong chian u ro. Nan iam nget mandon anthiang adona umora asa tho ranga na zot.

¹⁹Hatuka malung apeka keina zong u bor azong ranga koi hi Pathianin anrapa na bil u na ei na tir ret narang.

²⁰Pathianin koini na Puma Isua athi ata amathuia Bera rung Alian khit bera ngai rang a thisenin ei manzir chu havale han umor chongtin mor ei anzem. Phukdaina Pathianin asa dora na pe u rase ama ei zot nei tho thei u na rang, hatuka aman Isua Krista zara ei zot tak tho rase. Hatuka Krista kom anlianna umor umora om rase! Amen.

²²Ka lom ngai keina mathem u ani zei ei na mathor u na chong hi rangai u ro; hiva lekha nangni rang kei hong maziak hi asei sabak nimak.

²³Nei riat u rang kei zot chu koini na parual Timothi ha lungin ata asuak zei ei hong anrap ten ka na hong en utik amam ka bila om inti.

²⁴Na ulian u ngai dora le Pathian mi ngai neia mokna mantung u ro.Itali na kuibing ngaiin ei na mok u na ahong mantung u.

²⁵Pathian lungkhamna na bil u na om rase.