Read Ranglong HEBRAI 2 Bible Online

HEBRAI 2 - Ranglong bible

HEBRAI 2

¹Hasik han adet sabaka asur nei nang adik nei riat ha, ei na choi lai nokna rang.

²Na chipui ngai chongbe vanpalaiin ei manriat u ha adik, zi luia tel lui ngai chu aduk ei tong u rang atong u.

³Hidora sandamna alian tel luia na omin hontinmo zok ma ni? Puma apum lenin hiva sandamna rui tang eia hai, hatuka ariat ngaiin chu koini kom adika amanlang u.

⁴Hava bibila Pathianin boidong sin le ala manchel sa amani bila hatuka Ratha Anthiang sinthotheina asem ama ei zot anga.

⁵Ramual athar alua ranga Pathianin vanpalai ngai sin mak ha ramuala nei ril hi.

⁶Haneka Pathian chongin hovan lek mo hintin hin ati: “O Pathian miring hi imo ei ni achan nei mandon; miring papei nangin nei tel?

⁷Nangin vanpalai ngai ranga alakte nei mannuai; anpakna le anlianna le nei athuama

⁸Na kut suak ngai dora arung ranga nei sin.” Hintin hin ati, Pathianin “alompeia alua ranga,” asin, hiva hin aloma atina anthiang vang. Atun miringin aloma ei lua la mumak me.

⁹Tenchu Isua han amu sot rei lui vanpalai ngai neka annuai beta asin, asik chu Pathian lungkhama mitin ranga ei thi rang. Atun chu anlianna le lalchi akhuna nei mu asik chu thina ei tiar sika.

¹⁰Hava ha ansuk, Pathian, asin le alompeia ahoi, duk atiara Isua ha ei mansua, nai atampa ei lianna alua pui ranga. Asik chu Isua hake sandamna tiang aruai.

¹¹Miring a pap ata ei manthiang. Hatuka amale anthiang ngai doran Pa munkhat ei don. Hasik han Isuan ka in komi atia apai ei anzak nok.

¹²Pathian kom ei ti: “Imo nei tho ka mi ngai ril ka ti. Ei anchun u nana na manpak ka ti.”

¹³Hivam ala ti, “Kei iamna Pathian chunga betok ka ti.” Hatuka hiva hi ala ti, “Pathianin ei na pek nai ngai le ka om.”

¹⁴Asik chu ha nai ngai, ei pai ngai ha, thisen le taksa ani u na, Isua apum len ha amani anga ahong ani hatuka miring om anga ahonga om.Hiva hi ei tho thina le asia ei masiat theina rang thina chunga thotheina anei ha,

¹⁵hintin hin adamsung suak ankhit ngai ei mazok asik chu thina ei achi u sika.

¹⁶Asik hiva hin anthianga vanpalai ngai ni mak ei san ten Abaraham achi ngai hake.

¹⁷Hava tina chu ami ngai anga ei ni anang lampui tina, iamrua le lungkham adon Chaizung Ansang Pathian sinthona, mi ngai pap ei andual theina rang.

¹⁸Atun chu themnana achul ngai asan thei, asik chu ama len ha themnana achul hanuk atiar.