Read Ranglong HEBRAI 4 Bible Online

HEBRAI 4 - Ranglong bible

HEBRAI 4

¹Atun, Pathian chongtin ha pongansana ei ti ha ana do. Tho rung u rei hano, tute ha chongtin Pongansana ha aman nok ranga om u ta ni.

²Thangahui na riat zei amani anga Pathian chong ariat u nam ite asa ei tho pe om mak, asik chu arangai u le iamna le pom u mak.

³Hasik han koini aiam ngai chu ha pongansana Pathian chongtin ha na lut lai tak. Ei ti anga, “Ka tak asina khomak kan sam. ‘Pongansana ram kei pek rang ha lut u no ni!’ ” Hiva hi ei ti asin tho ramual ansin mana ei sua aninam.

⁴Pathian chong anziaka hovan lek mo chu anril ha ni sari nikhua ruia: “Ni sari nikhua asintho ata Pathian pongansa.”

⁵Hiva rui den hi anril ret: “Pongansana ram ha kei pek u rang han lut u no ni.”

⁶Thangahui ariat mansa ngai han pom u mak ha pongansana ha, asik chu iam u mak. Atei a om apom ranga ei phal.

⁷Kum asotpa suale Davida na “Avian” atina ni itukmo chu aphun ret: “Avian Pathian he na riat u ten, na malung mankhir u no ro.”

⁸Josua han mi ngai pongansa pui sela chu ha Pathian chongtin ha, Pathianin nikhua atei ret ha ti lai no ni.

⁹Hanum ni rase Pathian mi ngai rang pongansana ala om Pathian ni sari nikhua.

¹⁰Hava pongansana man ngai chu ha Pathian chongtin asin tho u ata pongansa unti Pathian um pong ei ansa anga.

¹¹Hasik han tho, nei tho thei khita tho u rei ha pongansana aman ranga, tute nei chul nokna rang amani anga asik chu ei iam u nok sika.

¹²Pathian chong chu adam le sin atho. Khendai benni don neka angei. Nuk le ratha ei antongna tenpei a at thei, ei anzomna le rathin ei hongna tenpei. Nei zot le malung mandon tenpei azek.

¹³Pathian kom ite anthup thei om mak; ansin ama matona ite anthup om mak, milak, a mita anthup thei mak. Hatuka ama akom ke aloma nei tho ngai nei la dar rang.

¹⁴Hanoten tho, nei iam rui nei ril ha adeta sur u rei. Asik chu Chaizung Ansang na don Pathian matona ase, Isua Pathian Sapa.

¹⁵Koini na Chaizung Ansang hi nei ting nokna, na lungkham, na muthei lui ni mak. Koini anga lampui tina themna na achul ke, tenchu asia tho mak.

¹⁶Tho anngam urei hatuka Pathian rengsutmun pan u rei lungkham ei omna ha. Hava han andualna le lungkhamna man inti koini ana san ranga na nang tik.