Read Ranglong HEBRAI 6 Bible Online

HEBRAI 6 - Ranglong bible

HEBRAI 6

¹Tho hano, maton lam pan u rei, puitinga anchuna tiang ha mansana, Kristian rui na nuk tiang amaka. Abul ata aphut ret rang ni lai mak.

²Baptisma rui, kut apha, athi ngai anthuiretna, taituan ruirilna hiva ruia anchuna ngai.

³Maton tiang pan u rei! Hiva hi nei tho rang, Pathianin aphal ten.

⁴Sa mak asik chu hontinmo ei iamna apei ngai ansira nei hong makhir ret rang? Voikhat chu Pathian ra-anga om ani u na; vanram pek atem u zeia hatuka Ratha Anthiang pek achang ngai um aman u zeia.

⁵Athona ata ariat u na Pathian chong hi asa, hasik han hun ahong rang rui ariat u.

⁶Hasik han ei iam u na ata ankhai u! Ansira ahong aruai ret ha salai mak. Asik chu Miring Sapa ha Krosa ei tar ret u ei ni mipui matona nei manzak ret ei ni.

⁷Rua honga ti man phil chu Pathian borsang keng hava ei chul chokna chu, havana among ngai chu athopa rang anang ei ni.

⁸Tenchu chiak le raling among ten amangna abui, Pathian khomak atung ranga anchi om moi le masiat inti.

⁹Ten hintin hin, na chongam ka lom ngai, nangni sika anngamna na nei. Na riat borsang asa ual na don u na sandamna ata ha.

¹⁰Pathian ruiril dik lui ni ngai mak. Na sintho ngai mangil no ni, hanuk ama chunga lungkham nei mu ha Kristian atei ngai nei san u le nei la san bang u.

¹¹Koini nei zot chu na lom u na nei zot u na ha ahek tenpei ni rase han keng nei sabei u ngai ataka ei hong ni rang.

¹²Nei andok u rang hi zot mak me, tenchu aiama aphuk asot ngai anga ni u ro nei zot, hatuka Pathian chongtin man u na ti.

¹³Pathianin Abraham akom chong ei tin han, achongtin ha atho ranga khomak ei ansam. Ama neka alian ei bui lai sika ama a raming ha amang khomak ansam han.

¹⁴Aman ei ti chu, “Koiin chong keina tin ani zei bor na pe ka ti na khuk atampa na pe ka ti.”

¹⁵Abraham aphuk a manchuala, hatuka Pathian chongtin aman.

¹⁶Khomak nan sam le na neka mi ansang a raming na manga, hatuka ha khomak han aloma ankhalna dora a manrual.

¹⁷Havantin han Pathianin ama achongtin alua ngai koma aderdin anthul ngai lui anlang rang ei zot sika khomak ansama ei hong mandet riam ani.

¹⁸Neinun anni a om hava ngai ha anthul thei mak hatuka hava ngai ruia Pathian milak tho ngai mak. Hasik han koini havana zokna aman ngai chu amana adeta asur tit ranga ana ti ha sabei rua na matona ei siak ha.

¹⁹Hiva sabei rua na don nei damna na ei kaina. Azokna le ani ngetna ani, hava ha vanram biakina a puan anzar akhela maicham sung rila ase.

²⁰Koini na rathul Isua ha havan ase zei na mana hatuka hava han chaizung ulian achang umor taituana rang, Melkizedek chaizung tho anga.