Read Ranglong HEBRAI 7 Bible Online

HEBRAI 7 - Ranglong bible

HEBRAI 7

¹Hiva Melkizedek hi Salem reng hatuka Pathian ansangkhit a chaizung. Anduina ata Abraham ahonga kira ha reng manli ei mandok han, Melkizedek le antonga borsang apek.

²Abrahamin ei lak dor ata soma angkhat apek. Melkizedek a raming a omzia mansa chu “Dikna reng.” Hatuka Salem reng ei ni sika, “Phukdaina Reng” ham ani.

³Melkizedek apa rui riatna om mak a nu um om mak akhuk rui um om mak; ei thina ei anzirna rui om mak. Ama hi Pathian Sapa ang; umor taituan chaizung ei ni.

⁴Enta itukmo ama ha ei lian. Abraham koini na chipui alian, anduinana ei man ata soma angkhat ei pek.

⁵Hatuka hava Levi khuka ngaiin chaizung ngai han Danin Israel mi koma soma angkhat ansuang ranga chong anpek ei ni u, hava ha ami ngai kom ata Abraham a khuk ngal ani u nam.

⁶Melkizedek ha Levi khuk ata ni mak tenchu Abraham akoma soma angkhat alaka bor apek, ha Pathian chongtin aman ha.

⁷Aiam nokna om maka bor apek ha ansang, bor amanpu nek ten.

⁸Chaizung ruia chu soma angkhat ha miring athi theiin arasuanga, tenchu Melkizedek ranga chu soma angkhat ha adamin arasuang Pathian chongin ei ti anga.

⁹Hasik han na ti aniten Abrahamin soma angkhat apek han Levi (akhuk ngaiin arasuang) hanin um apek.

¹⁰Levi lanzir mak, na ti aniten a om achipui Abraham a taksana, Melkizedek le antong han.

¹¹Levi chaizung tho dana riti ha Israel mi ngai kom ei anpek. Atun chu Levi chaizung sin ha ansua nisela chaizung atatei nang lai no ni, Melkizedek chaizung anga Aron ang ni luia.

¹²Chaizung anthul ten dan um athul anang.

¹³Hivana min arui ei rilpu hi nam atei viak ke a nam mi ata tute chaizung achang la om mak.

¹⁴Koini na Puma chu anriat sadim ama ha Juda khuk ata anzir; hatuka Mosin ril mak nam rui ha chaizung rui aril lai han.

¹⁵Arui ha anthiang sa; Melkizedek anga chaizung atei ahong anlang reta.

¹⁶Ama ha chaizung ansin, miring ritina ni mak tenchu damna ranak le ei hekna om maka.

¹⁷Asik chu Pathian chongin ati, “Nang hi umora chaizung ni na ti Melkizedek chaizung tho dan anga.”

¹⁸Riti marua ha, a kola ansiak, asik chu rat mak amangrua om mak.

¹⁹Asik chu Mosi Danin ite mansua thei mak. Atun chu sabei rua asa ual anpek zeia hava le Pathian nei dep thei.

²⁰Havale anlopa Pathian khomak ansam um a om. Atei ngai chaizung achang han chu khomak ansam om mak.

²¹Tenchu Isua chaizung achang khomak ansamna le Pathianin ati lai han: “Pathian chong atina hava ha la ret no ning: ‘Nang hi umor chaizung ni na ti.’ ”

²²Hiva ei antei hin Isua hi anngamna chongtin asa asin.

²³Ei antei sana chu chaizung atei atam ala om asik chu athi u asin tho tit thei u mak.

²⁴Tenchu Isua chu umora ranga adama, hatuka asin tho mi tei ret kom anlon mak.

²⁵Hasik han ama chu atun le umora ranga athothei, amana Pathian koma a hong ngai chu anzok ranga, asik chu ama chu umora ranga adam Pathian koma amani ranga anthem rang.

²⁶Hiva sika hin, Isua chu Chaizung Ansang nei nang anan man. Ama chu anthiang! Masial don mak akom pap om mak; papi ngai ata abinga ankhai hatuka anvan chunga a om.

²⁷Atei chaizung ulian ngai anga ni mak, ama pap sika dali dar nang mak mansana, tenchu mi salui ngai rang. Aman voikhat dali adar loko ranga ama ha andar lai han.

²⁸Mosi Danin chuklui miring chaizung ulian ranga anphun; tenchu Pathian chongtin chu khomak ansam le antin, hava ha nuk uala ahonga Naipasala anphun, umora ranga anzuia ansin.