Read Ranglong HEBRAI 8 Bible Online

HEBRAI 8 - Ranglong bible

HEBRAI 8

¹Hiva nei ril ngai doran ei akhin chu Chaizung Lian na don reng sutmun changtianga, ha vanrama chung Ningneina le ansut.

²Mun ansang khita Chaizung Lian sin atho, hava ha puanin ataka ansiak Puman ei siak miring kut le ni lui.

³Chaizung Lian dora adar ranga anphun hatuka sa dali dar ranga Pathian matona anphun, hasik han koini na Chaizung Lian ham hongte mo ei dar rang anang.

⁴Phila a om ha nisela, chaizung ni no ni asik chu chaizung a om Juda Dan anga dali adar.

⁵Chaizung sin ei tho u hi atataka chu vanram ramil mai ke. Mosin ei tho le anrual ke. Puanin anthiang asin rang tiang, Pathianin ei ti, “Muala nei mu anga aloma asin ranga anre sadim ro,” ati.

⁶Atun hin chu, Isua ha chaizung sin amani neka ansang, Pathian le ami ngai kong kara ei mansuk ha, haneka asa asik chu asatin ranga chongtin ei ni sika.

⁷Chongtin mansa lehan ei siatna om no sela annina ha nang lai no ni.

⁸Asik chu Pathianin ami ngai tak chunga masial amu, hatuka atina: “Nikhua hong zei Puman ati, hava tika chongtin athar nei ka ti ka mi Israel ngai le hatuka Juda ngai le.

⁹Achipui u ngai le ka chongtin anga ni no ni, Akuta ka sur u na Aigupta ram ata ka mazok u lai. Amani le chong kei tin nana iam rua ni u mak, hasik han kei tel u nok.

¹⁰Atun chu hiva chongtin hi Israel mi ngai le kei nei rang nikhua ahong ranga hi, Puman ei ti: Amalung sung u na ka dan siak ka ti, hatuka amalung sung u na maziak ka ti. A Pathian u ni ka ti ka mi ngai ni unti.

¹¹Hanuk chu min, a inkol mi koma mo a parual koma, ‘Puma re ro’ ati nang lai no ni. Asik chu koi na re unti asinte len ata alian khit ten.

¹²A pap u ngai madual ka ti hatuka relai no ning.”

¹³Chongtin athar arila; Pathian mansana ha amarua ei manni hatuka anrua dora le antiang sua chu anrapa anpei inti.