Read Ranglong JAKOB 3 Bible Online

JAKOB 3 - Ranglong bible

JAKOB 3

¹Ka lom ngai mi dora minchu ni u no ro. Nei riat anga, koini minchu ngai chu alian uala ankhira na zek inti mi tei ranga.

²Na loma hohonmo na machai. Tenchu mi khatin amachai ngal nok ten anzui ti na, ama chu anzui ani na hatuka apum anrung thei.

³Sakor amura makhamankei na khita na he ei tel na rang hatuka nei zotna taka na manse thei.

⁴Hano rakuang alian mandonta itukmo ei lian thinthin ei sem ania, tenchu anlimna asinte le amalima ankarpun ei zotna taka amanse.

⁵Hantitin han malei um; ei sin te, tenchu alian pangai arila anlian thei. Ram itukmo ei lian tenchu moi raek te le a kang thei!

⁶Hatuka malei um moi ang ania ramual anchai thei, na taksana mun aluana, na taksa dora asia asema. Nei damna dora moi athona aninglena Gehen moia ei anhal ania.

⁷Miringin atei ansin ngai hi na manzonga na don kiar thei rama me, va, aboka lon, nga.

⁸Tenchu malei hi tuten la man zonga la mantep ngai mak. Asiat le a sur salui ania, athina tur le abit.

⁹Puma le Pa koma raisan chong aril narang na manga, Pathian a phua zeka ei sin mi khomak asamna rang um na manga.

¹⁰Raisan chong le khomak ha murkhat ata asuaka. Ka lom ngai hintin ei ni nok rang.

¹¹Ti nar munkhata ti thum le ti kha suak ngai mak.

¹²Ka unai ngai, theipui kungin oliv manra ngai mak, gerep kungin theipui manra ngai mak.Ti nar a alin athum rasua ngai mak.

¹³Na bil u na ariat le ahian mo a om? Na om asa le manlang ro. Na om asa ahian le annuaia tho ro.

¹⁴Tenchu na malung u na khamaret ana le huatanhamna mandon na don u ten, hava nei hian u na lehan borai tho luia chongtak milak tho u no ro.

¹⁵Ha ang hianna ha anvan ata hong nimak ramual ata keng ratha ni lui raluai keng.

¹⁶khamaret le huatanham ei omna chu diknoknam a om hatuka asiat tin reng a om.

¹⁷Ten hianna chung ata chu mansana anthiang; hatuka phukadai, annuai, hatuka anloppui ahui; lungkhamna le abita asa tho rua a rasua manarsemak, mandang mak, mairongtei om tho mak.

¹⁸Satna hike anngoinan aru ei rasua a at ranga phukdaia ei ling.