Read Ranglong 1 PITOR 1 Bible Online

1 PITOR 1 - Ranglong bible

1 PITOR 1

¹Pitor, Isua Krista a zolai Simon Pitor akoma Pathianin eia thang ngai cheianvai anga anthek Ponto rama, Galatia, Kapadokia, Asia le Bithunia rama ngai kom ei maziak.

²Nangni ngai hi Pa Pathian zot anga ankui na ni u hatuka a Ratha le mi anthianga ei na sin u Isua Krista atela athisen le anthiang. Lungkhamna le phukdaina abita nangni rang ni rase.

³Pathian, Puma Isua a Pa kom raisanna ril urei! Asik chu alungkham ei liana Isua Krista ei mathuia damna thar ei na pek. Hiva hin sabei rua dam le ana manbit,

⁴hasik han maton tiang nei en Pathianin ami ngai ranga ei siak borsang atampa alua ranga. Na rang vanrama ei hoi havan chu chuai lai no ni thirek kop lai no ni, siat lai no ni.

⁵Hava ngai ha nang narang ansiak iamna zara Pathianin ei siak aranak le sandam ranga hun ahek tika anlang ranga ansin chit.

⁶Atun hin malung na na aninam, ansinna tampa na tiaram, hiva rui le na rai mansan u ro

⁷Hava ngai ei nangna asik chu nei iamna hi atak ti ei andangna rang.Rangkachak asiat thei ngal moi le amansina, hasik han nei iamna rangkachak neka alu ham ansin anang ei diar thei na rang. Hankeng anpakna nei man rang anlianna le lalchi nei man rang Isua Krista anlang nikhua.

⁸Ama na mu nokam nei adit, hatuka ama nei iam atun ama na mu nokam hasik han raisanna lian le anliana na rai mansan u ro, hava ngai ha chongin ril thei mak,

⁹asik chu ratha sandamna nei man, hava ha ama iama nei derdin.

¹⁰Hava ha hiva sandamna rui hi deari ngaiin anreng sabaka ei arok u na ei veng u, hatuka hiva pek rui ei ril u Pathianin ei na pek rang ha.

¹¹Itikmo ei ni rang, hontinmo ei hong rang, ariatna ei tho u. Hava lai han ei ni Krista Ratha amani koma eia khin Krista antak tiar ranga alei rila, adiara anlian nan ei zi.

¹²Pathianin deari ngai kom ei manlang a sintho u ngai amani lokna rang rong nimak, tenchu nangni rang, hava ngai ha aril u na atuna nei riat u hi palai Thang Ahui aril ngai koma Ratha Anthiang vanram ata ei hong tir ranak le. Hiva ngai hi ani vanpalaiin ei riat zot.

¹³Hasik han atho ranga ansin u ro. Meng u ro, nei sabei ha borsang nei man ranga siak u ro Isua Krista ahong anlang tik.

¹⁴Pathian he tel u ro, na riat u nok laia mana na ningol u na ngai anga om u lai no ro.

¹⁵Nei tho takpeia anthiang u ro, ana pai Pathian ei anthiang anga.

¹⁶Pathian chongin ei ti, “Anthiang u ro asik chu! Koi hi kan thiang.”

¹⁷Pathian kom bor na zong le ka Pa atina nei pai anrual zita, mi rui aril mi dora ei tho anga; hasik han na hun don hi phila ama lalchi thona na mang u ro.

¹⁸Asik chu na riat imo anbe nang nei zokna rang akorong damna ata na chipui ngai hong choi, ite nemna bui omdan aleng ata asiat thei chi, rangkachak le sumru anga,

¹⁹aman alu Krista dali, berate anga ite manu abui le khel lui ha ani.

²⁰Leilung anpiang mana Pathianin ei athang ha, hiva nikhua heka ei anlang nang na sika.

²¹Mana Pathian nei iam, aman athi ata ei mathui hatuka anlianna ei pek; hasik han nei iam le nei sabei chu Pathian tiang ke.

²²Atun chu dik nei tel sika nan thiang zei hatuka taksa ata kuibing atei ngai lungkham na mu zei lungkham anmu u ro malung rila.

²³Asik chu asiat thei chimuru ata ni mak tenchu siat thei lui chi chimuru Pathian chong adam umora adiar thei lehan anzir thar keng na ni u zei.

²⁴Pathian chongin ei ti anga, “Miring dora hi chiak ang ke, ei lian u na dora chu rama par ang keng. Akung achara a par achul,

²⁵tenchu Puma chong chu umor taituana a om.” Hiva chong hi Thang Ahui nangni na koma anril.