Read Ranglong 1 PITOR 3 Bible Online

1 PITOR 3 - Ranglong bible

1 PITOR 3

¹Hantitin han nangni nupang ngai na ruathar lalchi tho u ro, Pathian chong a iam nok ten na kanunin ei mator theina ranga hatuka ei iamna rang.Achong le le nang u no ta ni.

²Asik chu itukmo ei anthiang hanuk lalchi nei tho u mu unti.

³Pangtiang anlianga asana anlang u no ro, hantitin han na sam u ham, raka nei ali u ngai, raliang nei tho u ngai ni no rase.

⁴Hanek ten nei sa u na ha na sung u ata malung om anuaina le rui adai puanchoi siat theiluia anvo ni rase hava ha Pathian tianga alu khit.

⁵Nupang anthiang anphal ngai tianlaia ei sabei Pathian koma anbetok ei sana rang a ruathar u ngai kom anbetok u na.

⁶Sari ha hantin han ei om; Abraham ahe atela Puma atia apai. Nangni hi ama nainupang na ni u asa na tho u ten ite achi u no ta ni.

⁷Hava ang han pa ngai ariata phila na nungak ompui u ngai amani chu annem ual keng nangni na neka. Lalchi le om pui u ro. Asik chu nangni na bila amanim damna Pathian pek man unti. Hiva hi tho u ro na borzong iten ei pol nok na rang.

⁸Eihekna na; na lom u na mandon munkhat don u ro, malung munkhat chui u ro; lungkham anmu u ro annuaia andit u ro.

⁹Asiat chu asiat den le thuan u no ro, khomak chu khomak le thuan u no ro; hanek ten borsang le thuan u ro asik chu borsang hake Pathianin ana pek rang chong ei tin ana pai lai han.

¹⁰Pathian chongin ei ti anga, “Damna na mang zot ten hun asa na mu zot ten chong asiat ril no ro. Milak atho mong ro.

¹¹Asia amaka asa nei tho rang; phukdai anvana na malung dora le put ro.

¹²Asik chu Pathianin asa ngai arunga a borzong a rangai; tenchu asia tho ngai chu akhar.”

¹³Asa tho na zot ten tumo anazem rang?

¹⁴Ten asa tho chunga antak na tiar u ten, ituk rai asan rua mo nei ni! Tute achi u no ro, andon u no ro.

¹⁵Ten na malung u na Krista lalchi thona don u ro Puma anga lalchi tho u ro, umora ansin u ro nei sabei rui min anarakel u le ansang ranga.

¹⁶Ten annuaia le lalchina tho u ro. Nei riat u na anthiang rase min na siat aril u le na rui asiat arila asa tho Krista azina anzakna mu unti ei ti u ngai tak chunga.

¹⁷Asa thona antak atiar chu asa Pathian ei zot aniten, asiat atho nek tenchu.

¹⁸Asik chu Krista masial sika voikhat ei thi alom ranga, mi sa mi siat ngai ranga, Pathian tiang ei na ruai u theina ranga ama ha taksa na ei thi tenchu rathana ei dam ret,

¹⁹hatuka rathana ratha anok ngai kom chong aril.

²⁰Hava ngai ha Pathian tel lui ngai ratha Novan rakuang atuk laia phukanchuala alei anruang. Rakuanga mi tomte aloma ariat bak azok u.

²¹Hava han baptisma andangna akhin, atuna anandam.Taksana akhel ansuk ha nimak, tenchu mandon asana Pathian koma chongatin hake. Isua Krista ei anthuina han ei na mazok.

²²Vanrama asena Pathian chang tianga ava om vanpalai ngai dora a opa van ningneina le ranak le.