Read Ranglong 2 PITOR 2 Bible Online

2 PITOR 2 - Ranglong bible

2 PITOR 2

¹Machin deari der ahong anlang mipui bila, hantitin han minchu diklui na kar u na hong anlang inti. Siatna hong choi unti anchuna diklui, Puma anratan heng unti, hatuka atak chung u na anlaiseka siatna hong inti.

²Hanum ni rase, alampui dik u lui ha mi tamin zi unti; amani ei tho u ngai sika Lampui adik ha min asiat ril inti.

³Ei anruak u sika ha minchu diklui ngai han sim aphuana aril u na alokna en u chachak. Atun chu asot zei amani rui anril rang hi ei ansinna, Ansiat u rang a meng chian.

⁴Pathianin vanpalai ngal hoimak asiat athona tenchu moisumpuia amasul, hava han zingzir le ankhita azing kara ansiak ruirilna nikhua anruanga.

⁵Tianlaia ramual ngal hoi mak Pathianin, Tenchu ramuala ti manliana Pathian abui mi ngai chunga; Nova rong ha ani ei mazok dikna rui arila, hanuk mi atei sari a la ni.

⁶Pathianin Sodom le Gomora khopui adem, moi le ama siata, Pathian abui rang anchuna na amang.

⁷Aman Lot a mazoka, mi sa khat, riti bui mi ngai sika a malung asiat ani na.

⁸Hava mi asa ha amani bila aleng nikhuantin ei tiar amani om asiat ei mu le ei riata.

⁹Hasik han Puman ariat hontinmo Pathian mi anzok chang ansinna ata hatuka mi salui ngai ansin sakna chang ranga rui ril na nikhua tenpei ei siak ti puman ariata.

¹⁰Atei ranga a taksa zot annim azi ngai le Pathian chongneina nek ten. Hiva diklui minchu ngai adeta hanuk anchina bui ngai hatuka chunga alianpu lalchi thona don pial u maka asiat ke ei ril u.

¹¹Vanpalai ngai ngal arat le alian hiva minchu diklui ngai neka amani ngalin asiat ril mak ango mak Puma a matona.

¹²Tenchu hiva mi ngai mandon abuia singansa ngai, rama me anga asura athat rua, ei riat u nok tak chu siat arila atho u. Rama me anga la siat unti,

¹³tiarna ei sin u sika tiarna le lan thuan unti. Ahuia ei riat u chu mi matona a taksan ei zong u atho; anzakna le annim ani u na bil u na neksak ei hong tho u hin anhuangna tianga ana ruai u chachak.

¹⁴Mit uiare bit, asia mathei ulai lui, mi det rei lui ahuang u chachaka, huatanham malung a raput u na, Pathian khomak atung rang ngai.

¹⁵Lampui anzik amak u zeia lam anvai u zei; Balaam, Beor anai alampui ro azi u zeia asia thona sum ha andit ani u zei,

¹⁶a om tho masial sika angona. A sakuarpar han miring anga achonga ha deari ei mona akhar.

¹⁷Hiva mi ngai hi ti nar luang lui anga ani u; ansum phaivuan ei sem ang ani u; Pathianin amani rang mun azing anthuk khit ahoi.

¹⁸Chong alian le chongnok aril u na taksa le ningolna dik lui le mi a mathem u na asiat ngai dik lui ata ankhai sua ngai ha a mathem u na.

¹⁹Zokna man u na ti atia chongtin anei pui u na, ten amani len ha asa nok anzonga suakankhit u nei mator nok tak hi asuak na ni.

²⁰Hi ramual asiat thei ata koini na Puma le sandampu Isua Krista riatna na zokna amana, hatuka hava ngaiin amator ret tik hava ngai ha machina neka asiat u.

²¹Hanuk chu dikna rui a riat sua u na chongpek anthiang akom u na anpek sua, nuksir ason ret u ten amanin ei riat pial u nok ha arang u na sa ual inti.

²²Imo ei ni u hianna chongin ei ti ha adik “Ui in a maluak asak ret.” hanuk “Vok tinbual sua abuala akir ret.”