Read Ranglong 2 PITOR 3 Bible Online

2 PITOR 3 - Ranglong bible

2 PITOR 3

¹Ka lom madit ngai hiva hi ka lekha anni changna nangni na kom kei maziak. Ka lekha aninin han mandon anthiang na malung u na masui rong atina kei val rui ngai aril reta.

²Kei na zot u chu, ha deari anthiang ngai chong ril a riattit u ranga, hatuka Puma sandampu chongpek zolai ngaiin ei na pek u.

³Mansana nei riat u rang chu nikhua hek tik. Mi senkhat hong anlang inti a ningolnan ei ruai ngai. Elsekara na tho unti.

⁴“Ahong rang ei ti nimak mo? ti unti. Hanle homo? Na chipui ngai athi kiar u zei, tenchu aloma amun bang ke hile machin ramual ansin len ata.

⁵Amani han ariat uama tel umak tianlai han a chongpek le Pathianin anvan le phil ei sin. Phil ha ti le ti ata ansin.”

⁶hatuka ti le tiliana ramual marua ha ei masiat.

⁷Tenchu atuna anvan le phil ala om hi Pathian chongpek le den ke ei lan hoi, moi le ansiat ranga. Ha nikhua ranga anhoi Pathian abui ngai a rui anrila ei siat u narang.

⁸Tenchu hia khat mangil u no ro ka lom madit ngai! Puma muna chu nikhat le kum asang khat hi ei teina om mak, ama kom chu hava anni ha munkhat ke.

⁹Puma chu a chongtin ngai atho ranga annu nimak mi senkhatin ei mandon anga. Tenchu na sika ei la diar, asik chu tute ei siat rang zot maka, tenchu aloma ei masial ata anhoi rase ti ei zot.

¹⁰Tenchu Puma nikhua chu anru anga hong inti. Hava nikhua anvan rasapui le anpei inti anvana ngai dora kanga siat inti, phil le asunga a om dora anpei inti.

¹¹Aloma a om ngai dora hintin hin asiatin, I miring mo nei ni ei nang? Pathian tiang anpeka anthiang anang.

¹²Pathian nikhua nei maruang hin nei phari dor pei athona ei hong lilip narang ha nikhua anvan akang tika, asiat le anvana ngai dora aloma la zoi unti.

¹³Ten koinin chu ha Pathian chongtin nei maruang; van athar le phil athar asunga dikna a om.

¹⁴Hasik han ka lom ngai, hava nikhua nei maruang u hin nei tho thei dor pei anthiangna en u ro, Pathian tianga machai abuia phukdaia ama le omna tho u ro.

¹⁵Koini na Puman ei diar ha en u ro hun asatak azokna ei na pek u, koini na lom madit Paulin ei maziak anga Pathianin ei pek hianna ei mang anga.

¹⁶Hiva hi ei ti a lekha ngai dora han rui ei maziaka, hana rui antak a om hiva lekha ngai hin hava ha mo le detlui ngaiin diklui a aril u chachaka, Pathian chong chu aleko tianga ei ril u sika, Hasik han atheia siatna asin u.

¹⁷Ten ka lom ngai nangni chu na riat u zeia, Anrung u ro riti bui ngai dikluinan ei na ruai u nokna ranga azok dingmuna nei om ata nei chul u nokna rang.

¹⁸Hatuka lungkham le koini na Puma Isua Krista riatna na anson tir u ro, akom atun ata umor tenpei anlianna om rase Amen.