Read Ranglong 1 JOHON 2 Bible Online

1 JOHON 2 - Ranglong bible

1 JOHON 2

¹Ka nai ngai hiva hi nangni na kom kei maziak asia nei tho u nokna rang; tenchu min asia atho ving ten, mi angkhat na don Pa koma ana zong pe, koini rathul Isua Krista anthiang ha.

²Hatuka Krista len ha ei ni koini nei siatna ei andualna chu, hatuka koini siatna rong nimaka, mi dora.

³Pathian chongpek na tel ten; ama na riat ti nan iam thei.

⁴Ama na riat na tina; tenchu a chongpek na tel nok ten, milak na ni adik koini kom om mak.

⁵Tenchu a he na tel ten; koini ngai hi na ni a Pathian maditna ansuavanga ansin. Hintin hin ke Pathian le anlop nei ni.

⁶Pathian le anlop na ni nan titen, Isua Krista om anga tho ro.

⁷Ka lom andit ngai hiva chongpek kei hong maziak hi athar nimak; ha chongpek marua ke, machin na phut laia nei don hake, ha chongpek marua rui hake nei riat sua u.

⁸Hanum nisela, atuna chongpek nangni koma kei hong maziak hi chu athar, asik chu ha dikna ha Krista le nangni kom anlang, Asik chu azing aliam sua zeia ra-ang tak ha a el sua zei.

⁹Ra-anga na om nan tina; mi na mumak ten atun len hin, azinga om na ni.

¹⁰Mi na madit ten ra-anga om na ni hatuka, ite na chunga om mak, mi asiat antho ranga.

¹¹Tenchu mi na mumak ten azinga om na ni; hava han kal nei choi honmo nei se anremak me, asik chu azingin ei na man cho.

¹²Ka nai ngai nangni kom kei maziak, nei siat u ngai andual zei Krista sika.

¹³Pa ngai nangni kom kei maziak, asik chu aphut ata a om ha nei riat u, vanglai ngai nangni na kom kei maziak asik chu asia nei mandok u.

¹⁴Nangni kom kei maziak, ka nai ngai asik chu Pa nei riat u. Pa ngai nangni kom kei maziak asik chu Ama nei riat u aphut ata a om ha. Nangni kom kei maziak vanglai ngai asik chu ranak anei na ni u Pathian chong nangni kom a om, Asia nei mandok u.

¹⁵Ramual adit u no ro asunga a om ngai doram madit u no ro. Ramual na dit u ten Pa adit u mak che.

¹⁶Ramuala a om dora, taksa zotna, mit ei zot damsung lianna hiva ngai hi Pa ata asuak nimaka ramuala suak ke.

¹⁷Ramual le asunga dora miringin ning nei ol ngai anpei tir zei; tenchu Pathian ei zot atho ngai chu taituana dam inti.

¹⁸Ka nai ngai hun ahek anai zei! Krista raldui hong inti tia ei na ril u; atun Krista raldui atampa ahong anlang zei, hasik han hun ahek zei ti na riat thei u.

¹⁹Hiva ngai hi koini na mi tatak nimak; hasik hanke ei namak u; koini na bila mi nisela, koini bila om inti tenchu ei namak u han anthiang, tute koini mi ni u mak.

²⁰Tenchu na chung u na Ratha Anthiang ahong zeia Kristana hasik han na lom u na adik ha na riat u zei.

²¹Nangni na kom kei hong maziak hi adik nei riat u nok sika nimak; tenchu nei riat u sika, hatuka dikna ata milak hong ngai mak.

²²Hanle tumo milak? Isua hi ei phun ti lui dora, hava mi ngai dora ha Krista raldui, Pa, Naipasal a heng ngai.

²³Naipasal apei chu Pa ham apei, Naipasal apom ngai chu Pa ham adon.

²⁴Aphut ata nei riat u ha malunga asiak ranga an iam u ro. Na malunga a chong ngai na siak tit ten, Naipasal le Pa le lokona om na ni.

²⁵Hatuka hiva hi Isua apum lenin ana pek rang a chongtin umor damna.

²⁶Hiva kei maziak hi ana huang u rang ati ngai ruia.

²⁷Tenchu Kristan a Ratha ei na lei sika, a Ratha na kom u na a om, a Ratha na kom u na a om kar pei chu, tute ananchu nang mak che.Asik chu a Rathan aloma na manchu kiar inti. Hatuka ei na manchu dora ha adik, a dik nok nimak. Rathan ei na manchu tel ro hankeng Krista le anlop nei ni.

²⁸Ani ka nai ngai ama le lokona om u ro, ahong tik nei ngamna rang anzaka nei anthup nokna rang ahong nikhua.

²⁹Krista hi anthiang ti na riat; hasik han re ro mi dora adik, atho tak chu Pathian nai.