Read Ranglong 1 JOHON 3 Bible Online

1 JOHON 3 - Ranglong bible

1 JOHON 3

¹Enuta itukmo Pan ei na dit! A lungkham itukmo ei lian Pathian nai ngai tia nei anpai hatuka nei ni. Hiva sik hin ramualin na remak; Pathian ei riat nok sika.

²Ka lom ngai atun hin Pathian nai ke na ni zei, tenchu lan thiang mak imo nei ni rang, tenchu na riat Krista hong anlang tik, ama anga ni inti asik chu ama ei ni ang taka mu inti.

³Hiva sabeina don tak Kristana, anthiang rase, Krista ei anthiang anga.

⁴Asia atho tak chu, Pathian dan anchai, asik chu asia hi dan anchai.

⁵Na riat, Krista ei hong ha asia ansai ranga, akom masial abui.

⁶Hasik han Krista le munruala om chu asia tho chian ngai mak; tenchu asia ala tho tit chu ama mi la nimak la riat um mak.

⁷Tuten na huang u no rase ka nai ngai; adik a tho chu mi dik Isua ei dik anga.

⁸Asia ala tho bang chu Soitan ta, asik chu Soitan han aphut ata asia tho ei ni; hiva hi asik, miring sanai ei hong, Soitanin ei tho ansiat ranga.

⁹Pathian nai chu asia tho tit mak asik chu Pathian amani kom ei om, Pathian ha a Pa ei ni, asia tho tit ngai mak.

¹⁰Hiva tak hi Pathian nai le Soitan nai ei teina; adik tho lui mi adit lui chu Pathian nai nimak.

¹¹Aphut ata chong nei riat u ha hiva hi ani; lungkham nei anmu u rang.

¹²Kaina anga nei ni nok rang; asia ta ei ni, hasik han a parual Abel ei that. Imo asik Kainan ei that? Asik chu ei tho ha dik lui, a naipan ei tho chu adik.

¹³Hasik han anlai no ro ka lom ngai ramual min ana mumakam,

¹⁴athi ha na maka damna na hong keng na ni zei; nan riat asik chu mi lungkham na mu. Andit lui ngai chu thina thuaia om ala ni.

¹⁵Min mumak ngai chu tualathat, hatuka tualathat ngai chu akom umor damna om mak.

¹⁶Lungkham hi hintin hin nei riat; Krista koini narang ei thi; koinim mi rang nei thi rang!

¹⁷Na neka mi anriang na muna, tenchu lungkham na mu nok ten, hontinmo Pathian ka dit nei ti thei?

¹⁸Ka nai ngai na lungkham hi he le chong duaia ni no rase; lungkhamna dik ni rase, sina anlang thei.

¹⁹Hintin hin ani adika om ti riat theina; Pathian matona angamna.

²⁰Na sialesariatnan ana dem ten, Pathian chu na sialesariatna neka alian aman ariat kiar.

²¹Hasik han ka lom ngai, na sialesariatnan ana dem nok ten Pathian matona nan ngam.

²²Nei zong tak naman asik chu a chongpek na tela ama zot ang nei tho.

²³A chongpek chu a Naipasal Isua Krista nei iam le lungkham ana mu Isuan ei na ti anga.

²⁴Pathian chongpek atel chu Pathian le munruala om, Pathianin lokona ei ompui ngai asik chu Pathianin Ratha ei na pek sika na riat Pathianin loko ana leng pui.