Read Ranglong 1 JOHON 5 Bible Online

1 JOHON 5 - Ranglong bible

1 JOHON 5

¹Isua hi ei hong tir atia a iam tak chu Pathian nai; Pa andit tak chu nai um adit.

²Hintin hin nei riat thei Pathian nai ngai nei adit; Pathian andita ahe tela.

³Asik chu Pathian nei adit ti hi ahe tel hi ani, hatuka a chongpek ngai hi achan antak nimak,

⁴asik chu Pathian nai ngai doran chu ramual amandok thei. Hatuka iama ramual nei zui.

⁵Tumo ramual a zui? Isua hi Pathian Naipasal tina aiam ngai rong ke.

⁶Hiva hi ani, ti le thisen a hong ha, Isua Krista ha, ti ronga ni maka ti le thisena ke ei ni. Hatuka Ratha han aman riata atak keng atina, asik chu Ratha ha adikna.

⁷Ariatpui anthum a om;

⁸Ratha, ti, thisen hiva anthumin munkhat ei ril.

⁹Miring he nei iama, tenchu Pathian he ke haneka alian, ama han a Naipasal rui aril.

¹⁰Hasik han Pathian Naipasal a iam ngai chu a malunga a rui adon; tenchu Pathian iam lui ngai chu, milak ei anlo, asik chu Pathianin a Naipasal rui ei ril ei iam u nok sika.

¹¹A rui chu hiva hi ani; Pathianin umor damna ei na pek, hatuka ha damna ha a Naipasal ata ke ei hong suak.

¹²Naipasal adon tak chu hiva damna a don; Pathian Naipasal don lui chu damna don mak.

¹³Hiva hi kei maziak, umor damna na don u zei ti nei anriat u naranga nang Pathian Naipasal aiamin.

¹⁴Pathian matona ngamna na don asik chu na zong ten ana lei rangai ti nei iam ama ei zot anga.

¹⁵A kom na zong kip ana lei rangai; hiva hi adik ei ni sika, akoma nei zong tak ana pek.

¹⁶Mi tu khatin moa parual mo a sarnu mo athi na rang khop ni lui asia tho amu ten borzong pe rase, hatuka Pathainin ama chu damna pek inti. Hava damna ha thina rang khop asia tho lui ngai rang keng. Hanuk chu thina rang khopa asia tho khat a om a, hava ranga chu borzong pe rase ti makung.

¹⁷Diknokna atho dora hi asia, tenchu asia athina dor pei ni lui a om.

¹⁸Pathian naiin asia tho tit ngai mak ti na riat, asik chu Pathian naiin a mazok, hatuka soitanin manna thei mak.

¹⁹Nan riat Pathian ta na ni ramual dora asiat dan thuaia a omam.

²⁰Na riat Pathian Naipasal ei honga riat theina ei na pek Pathian dik nei riat theina rang Isua Krista a Naipasal le anlopa. Hiva hi Pathian dik, hiva hi umor damna.

²¹Ka nai ngai Pathian diklui ata anrung u ro!