Read Ranglong 3 JOHON 1 Bible Online

3 JOHON 1 - Ranglong bible

3 JOHON 1

¹Upa koma: Ataka kei madit Gaia arang.

²Ka lom madit, bor ka zong alompeia ei sana ranga na taksam ei sana ranga na ratha rui ei sa kei riat anga.

³Kristian senkhat ahonga ana ril u na achan ka rai asan, dikna na iamrua nei ni, dikna na nei om chachak anga.

⁴Ka nai ngai dikna na leng u ti ka rai anansan anga atei iten anansan om mak.

⁵Ka lom madit, Kristian atei ngai ranga na sintho achan a iamrua nei ni, khual ngal ni rase.

⁶Hivan kuibing ngai kom lungkham nei mu rui aril u. Lungkhama a kalchoi u san ro, Pathian mita ei ting tir u na rang.

⁷Asik chu a kal choi ei phet u Krista ranga hin iamlui ngai kom ite nimak,

⁸Koini Kristian ngaiin hiva ngai hi asan na nang, asin tho u diknana koinim nei anchel theina rang.

⁹Kuibing ranga lekha alakte ka maziak tenchu. Diotrepha anlian achang azot han ka he ngal tel mak.

¹⁰Ka hong le ei tho ngai man re ka ti koini chunga chong nok ei ril a he ei tam milak ei tho; kuibing ngai a hong le lei pham mak, apham rang ngai um akhar chachaka kuibing ata ansuana a en chachak.

¹¹Ka lom madit asiat manchu no ro tenchu asa manchu ro. Asa tho tak chu Pathian ta ani; asiat atho chu Pathian la mu mak.

¹²Mi doran Dimetria a manpak; dikna len han a manpak. Hatuka koinim arui na rila, koini nei ti ngai hi a dik ti na riat.

¹³Ana ril u rang a tampa ka don tenchu kolom le kolom ti le chu zot makung.

¹⁴Anrappa ana mu u ranga kan iam, hatika mai anmor chunga la chong inti.

¹⁵Phukdaina nangni kom om rase. Na lom ngai doran kut anan sur pui u, amisang chipa mantung ro.