Read Ranglong ANLANGNA 10 Bible Online

ANLANGNA 10 - Ranglong bible

ANLANGNA 10

¹Hatuka vanpalai ranak anei vanram ata ahonga chum ka mu. Ansum ei rasil hatuka sumansai alu ravela a om a mai ani anga el a ke moirapum anga.

²A kuta lekha anzual asin anphong a sura achang ke tipuia avoi ke muala anding.

³Hatuka anring sabaka ankheka arasa akoibaknei anhum aphua. A pei suale ha machek sarin anhuma amasang.

⁴Ei chong ule anziak rang ka tina. Tenchu vanram ata he ka riata, “Thup ro machek sarin ei ti ngai ha; maziak no ro a na ti!”

⁵Hatuka phil le tipuia anding vanpalai han achang kut, vanram tiang alang,

⁶hatuka khomak ansam Pathian raming achina umor taituana adam, anvan le phil asin, tipui le asunga a om dora asinpu. Ha vanpalaiin, “A sot omlai no ni ati!

⁷Tenchu ha sari changna vanpalaiin a totorot amut tik chu, hatika Pathianin maruka ei mansuk manding inti asuak deari ngai koma tang eia hai anga.”

⁸Hatuka anvan ata a he kei riat ha ka kom a chong reta ei ti, “Se tan lekhanzual anlong vanpalai phil le tipuia anding a kuta vala ro ati.”

⁹Ha vanpalai akom ka se na ka va zong ana pek ranga ha lekhanzual asinte ha.Aman ka kom ati, “La tan sa ro, na mura khuaining ang ni inti, na vona va kha inti.”

¹⁰A kut ata ha lekhanzual asinte ha ka laka ka sak, ka mura chu khuaining ang ani. Tenchu ka vol suale ka vona akhana avanlet.

¹¹Hatuka a na ti, “Pathianin ei ti nam ngai rui, ram ngai rui, chong ngai ruile reng ngai rui nei ril ret rang.”