Read Ranglong ANLANGNA 12 Bible Online

ANLANGNA 12 - Ranglong bible

ANLANGNA 12

¹Hatuka tichangabui khat anvana ahong anlang. Nupang khat, a raliang ani a ke thuaia tha, arasi somleianni le a luna lukhu akhu.

²Anrapa nai anei rang naihan aduk amanna na achap.

³Tichangabui khat ret anvana ahong anlang. Dragon alianpa asentut lu sari le raki som, hatuka alukipa lukhu khat akhu.

⁴A ramoi le mun anthuma munkhat arasi a masul phila. Ha nupang a matona anding naite ei anzir le aleia sak ranga.

⁵Hatuka naipasal amazir ramual dora a op ranga thir raimol le.Tenchu ha naite ha apot viaka Pathian sutmun matona achoi.

⁶Ha nupang ha philchara a rot, munkhat Pathianin ei lei mansukna na hava han ni asang khat razanni somaruk an en anzon inti.

⁷Hatuka anduina asuak vanrama. Mikael le a vanpalai ngaiin ha Dragon antuk pui u, amam a palai ngai le anduipui,

⁸tenchu ha dragon ha andoka ama le alom palai ngai chu vanrama om thei ulai mak.

⁹Ha dragon alianpa ha amasul, ha tianlaia marul araming Diabol mo Soitan anti ha ramual dora ahuang. Phila ahong anpei alom palai ngai le.

¹⁰Hatuka he anring sabak anvana ka riat, “Atun chu Pathiana sandam ahong zei! Atun chu Pathianin Reng anga ei thotheina a manlang zei! Atun chu Krista a racham a manlang zei! Koini na Pathian matona anding asun azana bado na tho ha vanram ata amasul zei atina.

¹¹Berate thisen le ratna anei u hatuka dikna ei ril ule han; ei damna apeia athi rang anphal u.

¹²Hasik han o anvan ngai na rai mansan u ro! Hatuka havana a om ngai! Tenchu ituk anchi rua mo phil rang le tipui ranga! Asik chu Diabol ha nangni kom ahonga chum, hatuka atak asi sabak, asik chu hun ei don hi alakte keng hava ha anriat.”

¹³Dragon ha anpei keng ti anriata phila, ha nupang ha asin sak naipasal ei mazir sika.

¹⁴Ama ha muliang mantha anni anpek ei omna philchara ei zuang theina rang.Hava han kum anthum atan lei zon unti, hava han dragonin va masiat thei lai no ni.

¹⁵Hatuka dragon han amur ata tilian a manluang ha nupang atanpui rang.

¹⁶Tenchu philin ha nupang asan, amur amalonga ti dora anek zit ha dragon a mura ahong ha.

¹⁷Ha dragon ha nupang tak chunga achan atakasi hasik han a khuk ngai ansual pui ranga ase, ha Pathian chongpek atel ngai dora le Isuan dik ei manlang tak chunga iamrua aningai dora.

¹⁸Hatuka dragon ha tipui kola anding.