Read Ranglong ANLANGNA 14 Bible Online

ANLANGNA 14 - Ranglong bible

ANLANGNA 14

¹Hatuka ka ena, hava han Berate anding Zion tanga; abila mi 144, 000 a raming le apa raming a machala anziak ngai ka mu.

²Hatuka vanram ata he ka riat tin tong rasa anga; khuanri rasa anga; maring ahui rasa anga, maring rasa anpir thei ngaiin eia pir u.

³Mi 144, 000 reng chomphang matona anding u, ha nukanei manli; le upa ngai; la thar ahong tho u, amani rong ke anchu thei, miring chi ata amani hi ei rachok.

⁴Amani hi anthianga a om ngai nupang ton lui ngai; amani hi nupang anthiang ang, Berate ei sena rina azi ngai, Amani hi ei rachok ngai miring khuk ata le Pathian le Berate ranga mankhita andar rang.

⁵Milak la tho u ngai mak; amani hi masial abui ngai.

⁶Hatuka vanpalai atei ret ka mu anvana azuang umor taituan chong thangahui ramual mi ngai rang chitin, namtin chongtin le ramtin ranga anleng pui.

⁷He anring pana atina, “Pathian lalchi tho ro ei lianna manpak ro! Mi dora ei zekna rang hun ahong zei. Amok u ro amake vanram, phil, tipui le ti nar asin.”

⁸Mansana vanpalai ha anni changna han azina ati “Ama ha achul zei! Babulon alian ha achul zei! Aman mi dora a zu ei man nek ha a zu rat dik lui ningolna!”

⁹Anthum changna vanpalai han ha mana anni ngai azina anringpa ati, “Ha me rang le aramil anmoka a machala andangna mo akuta mo andang ngai chu

¹⁰atheia Pathian uain, ne unti a taksitna uain ite anpol lui a vanpalai a khurina! Hantina atho ngai dora chu moi le gondoka kang unti vanpalai ngai le Berate matona.

¹¹Ei kang u na moi akhu umor taituana akhu. Azokna reng abui asun azan ha me rang le aramil anmok ngai a raming andangna anput ngai.”

¹²Hiva hin Pathian mi ngai rang duk andoroi anang Pathian he atel ngai Isua na iamruana om ngai chu.

¹³Hatuka anvan ata rasa ka riat, “Maziak ro ati, achanasa u atun ata Pathian sina athi ngai!” “O ani!” atia Rathan amasang. “Ei pong u ata pongansa unti asik chu ei pong u na mara abil u na ase ke.”

¹⁴Ka ena ansum alang a om, hatuka ansuma ansut ha miring aphua, rangkachak lukhu a luna hatuka koite ngei a kuta.

¹⁵Hatuka vanpalai atei ret biakin ata ahong asuaka anringpa ankheka ha ansuma ansut rang, “Na koite mang ta ro sang at ta ro, asik chu a zoro hong asuak zei phil hi a at ranga amin zei!” ati.

¹⁶Hatuka ha ansuma ansut han phila a koite amasula bu chu an at.

¹⁷Hatuka vanpalai atei ret vanrama biakin ata ahonga suak, ama ham koite ngei sabak adon.

¹⁸Hatuka vanpalai atei ret moi tak chunga he nei maicham ata ahong. Ha koite ngei a don kom han ati, “Na koite mang tan la gerep ngai at ro rahuan ata asik chu gerep ngai amin zei!” ati.

¹⁹Hatuka ha vanpalai han akoite phila amasul, arang ata gerep ngai a ata uain epnana amasul Pathian taksitna na.

²⁰Ha gerep ngai ha anepa uain epna na khopui tualpanga hatuka thi honga suak uain epna ata tilian anga kilomitar raza anthum asei mitar anni anthuk.