Read Ranglong ANLANGNA 15 Bible Online

ANLANGNA 15 - Ranglong bible

ANLANGNA 15

¹Hatuka anvana tichangabui khat alian aril chang abui khat ka mu, vanpalai sari ngai kom ansinsakna sari; hava ngai ha nukkhita, asik chu hava ngai ha Pathian takasi mongna ei manlangna.

²Hatuka dapon le moi anlopa tipui aphua ka mu. Arat ngai, me rang le a ramil nambar raput lui ngai ka mu. Hava ngai tipui kola anding u na Pathianin ei pek tingtang asura,

³hatuka Mosi Pathian suak le Berate la atho u: “Puma Pathian Athotheikiar nei tho ngai itukmo ei lian tichang ei bui Namtin reng itukmo na lampui chu ei dika ei sa!

⁴O Puma tumo nang na chi lui rang? Nei lianna tumo ril lui rang? Nang rong ke anthiang Namtin honga na mok inti, asik chu na ruirilna dik mi doran amu.”

⁵Hava suale vanrama biakin anlonga ka mu Puanin Anthiang a om.

⁶Ha vanpalai sari ansinsakna sari adon ngai ha biakin ata a hong asuak u na puan angui anthiang arasil u aropa rangkachak kongkhit ankhit.

⁷Hatuka ha nukanei manli ngai bila angkhatin ha vanpalai sari ngai ha kheng sari rangkachak kheng umor Pathian taksitna abit a manlona.

⁸Ha biakin ha Pathian lianna le thotheina ata moikhu abit ha biakina tute lut thei mak vanpalai sarin ansinsakna sari ei hong choi ha asua maseng.