Read Ranglong ANLANGNA 16 Bible Online

ANLANGNA 16 - Ranglong bible

ANLANGNA 16

¹Hava suale biakin ata a chong ka riat vanpalai sari ngai rang, “Se tan ha Pathian taksitna kheng sari ha phila va lei u ro!” ati.

²Ha vanpalai mankhita ha asena phila ava lei, apan ana sabaka ahong anlang ha me rang ramil anmok ngai le andangna adon ngai tak chunga.

³Hatuka ha anni changna vanpalai han akheng a lei reta, tipuia mi athi thisen anga ti ha ahong ani, hatuka ti sunga nukanei dora athi.

⁴Hatuka ha anthum changna vanpalai han akheng a lei ti luangna na ti dunga hatuka thisen achang.

⁵Ha ti chunga ningneina don vanpalai han ei ti ka riata. “Na ruiril ngai adik, O Anthiang, nang a om le a omsua!

⁶Pathian mi ngai thi, deari ngai thi nei lei u hasik han nangin ei nek u rang thi nei pek u. Imo ei man u rang ha nei pek u!”

⁷Hatuka maicham ata he ka riat, “Puma Pathian Athotheikiar! Na ruiril ngai asa adik!”

⁸Hankeng ha manli changna vanpalaiin akheng ani a a leia, mi ngai ei kang ranga phal ei ni.

⁹Ha aluma han akang u, hatuka Pathian raming khomak asam u hiva antak ngai ningneina don ha. Tenchu asia ata ansira ei lianna manpak u no ni.

¹⁰Hatuka ranga changna vanpalaiin akheng alei ha me rang reng sutmuna arama azing achul hatuka mi ngaiin a adang a khong u aduk tong u sika,

¹¹hatuka anana ei riat usik le ei pan u ngai sika van Pathian khomak asam u. Tenchu asa nok ei tho u ata anhoi u mak.

¹²Hatuka vanpalai aruk changna han Euphrates tidunga kheng a lei, sualam tiang ata reng ahong ngai rang lampui achang ranga tidung akang ha.

¹³Hatuka ratha annim uichok anga ka mu. Dragon amur ata ahong asuak, me rang mur ata, deari der mur ata.

¹⁴Hava ngai ha raluai ratha mitpialdoi atho ngai. Hava ratha ngai ha ramuala reng tin kom ase u na, munkhata andui ranga ahong ruai u aloma Athotheikiar Pathian Nikhuana.

¹⁵“Rangai u ro! Anru anga hong ka ti! A meng tita apuan arung chu achanasa, saikoronga maimok ansak no ni!”

¹⁶Hatuka ha ratha ngai han reng ngai munkhata ahong ruaia hava mun ha Hebrai chonga chu Armageddon.

¹⁷Hankeng vanpalai sari changna han akheng a lei maicham chunga; he anringpa na biakin ata asuaka ati, “Ansua zei!”

¹⁸Kol anlek sabaka, ninu honga. Hava ang ninu la om ngai mak miring ansin len ata ninu lima anrik khit ni inti!

¹⁹Ha khopui ha mun anthuma anphel ramtina khopui ngai asiata, Pathianin Babulon ha mangil maka akhuri ata uain aman nek a taksitna uain ha.

²⁰Ti malaia mualanlan dora anpeia mual ansang dora ommak.

²¹Arial kilogram somranga dor arik miring tak chunga achula, ha antak sika Pathian khomak asam ngai ha, asik chu ha antak ha ana sabak.