Read Ranglong ANLANGNA 17 Bible Online

ANLANGNA 17 - Ranglong bible

ANLANGNA 17

¹Hatuka ha vanpalai sari ngai bila angkhat kheng sari adon ha ka kom ahonga ati, “Hongro, ha notinu ha hontin ei ansinsak rang na manmu ka ting ha khopui alian tidung atampa kola ansin ha.

²Phila reng ngai ama le hurna diklui anchuna ramuala mi ngai anri u ama kom dikluina uain aneka”

³Ha Ratha han ana maruaia vanpalai han philchara ana ruai. Hava han nupang khat ka mu me asen achunga ansut, Pathian siat rilna raming adon aloma abit; ha me han lu sari a dona raki som.

⁴Ha nupang ha Puan senaduk le senadong le anlianga rangkachak le anthop lung alu le artikiriak lung le. A kuta rangkachak khuri annim abit asur.

⁵A machala anziak chong maruk, “Babulon alian noti ngai dora anun ramuala asiat khit.”

⁶Hatuka ha nupang ha Pathian mi ngai thi aneka hatuka Isua Krista rang martar ngai thi aneka anrina ka mu. Ama kei mu le ka boi a dong sabak.

⁷“Ichangmo na boi nei man dong?” atina vanpalaiin a na rakel. “Hiva nupang le ei chuangna sa a lu ha sari a raki ha som a omzia na ril ka ti a na ti.

⁸Ha sa ha voikhat chu ei dam, tenchu damlai maka; ha donglui khur ata ahong asuak vita asiat rang. Leilung anpiang man ata a raming anziak lui ngai ha damna lekhana, amani han me ei mu ule aboi dong unti. Voikhat chu ei dam, atun chu dam lai maka tenchu hong anlang ret inti.

⁹“Hiva hin ahian le ariat ananga. A lu sari ha mual sari hava han ha nupang ansuta. Hava ngai ha reng sarim ani;

¹⁰ranga chu achiam zei, angkhat ala om, hatuka hanuk angkhat ha la hong mak; ahong tik sot rei luia rui ril inti.

¹¹Hatuka ha sa voikhat adam ha, hanuk dam lai lui ha reng ariat sari ngai bila angkhat asiat ranga.

¹²“Hatuka raki som nei mu ngai ha reng som, ram la nei u maka ha me arang le dar angkhat chongneina la nei unti.

¹³Ha som han derdin munkhat adon u hatuka thotheina le chongneina ha me rang kom apek u.

¹⁴Amani han Berate anduipui unti; tenchu Berate le ei kui ngai le a iamruana azi ngaiin mandok unti asik chu ama ha puma ngai Puma reng ngai Reng.”

¹⁵Vanpalai han, “Sova ti nei mu so notinu ei ansutna so mi ngai, mipui ngai, nam ngai, chong ngai ati.

¹⁶Ha raki som le me rang han notinu ha mumak unti; ei don dora apot kiar untia saikoronga ma unti; ame sa untia moi le masiat unti.

¹⁷Pathian chong atung maseng ei zot u ang athona chong khat changna le aram u chu me rang kom apekna ranga Pathian chongin amalung u na ei siak.

¹⁸“Ha nupang nei mu ha khopui, phila reng ngai chunga rui aril.”