Read Ranglong ANLANGNA 19 Bible Online

ANLANGNA 19 - Ranglong bible

ANLANGNA 19

¹Hava suale vanrama mipui ankhek rasa ka riat, “Pathian manpak ro! Sandamna, anlianna le thotheina ama ata ke!

²Adik le anzika rui aril chu ama ta ke! Noti ramual ansiat chu rui aril zei, Pathianin duk apek zei ami ngai ei that pe sika.”

³Ankhek u reta, “Pathian manpak ro! Ha khopui ei kangna moikhu umor umora akhu!”

⁴Ha upa somanni manli le nukanei manli ngai anruala Pathian amok, ha reng sutmuna ansut ha. Amanin ati u, “Amen! Pathian manpak ro!”

⁵Hatuka reng sutmun ata he suaka ati, “Koini na Pathian manpak u ro, asuak ngai doran, mi doran, aloma asin, alian ama lalchi tho ngaiin!”

⁶Hatuka mipui rasa anga ka riat, tintom rasa anga khuanri rasa anga ka riat, ei ti u chu, “Pathian manpak ro! asik chu Puma koini na Pathian, Athotheikiar chu Reng!

⁷Na rai mansana ei lianna manpak u rei! A hun ahong atung zei Berate inneina rang, amuisa ham anliang sua zei.

⁸Puan anthiang a el ansil ranga anpek.” Ha puan anthiang ha mi sa ngai asa ei tho u na ei ni.

⁹Hatuka vanpalai han, “Maziak ro: achanasa ngai chu ha Berate inneina na ankui ngai.” Hatuka vanpalaiin, “Hiva ngai hi Pathian chong adik,” ati.

¹⁰A ke na anmok rang kan boka tenchu tho no ro ana ti! “Koi hi na lom suak ke ka ni hanuk atei aiam ngai le dik asur ngai Isuan ei manlang ha Pathian amok ro!” Isuan adik ei manlang hake deari ngai malung aton.

¹¹Hatuka anvan anlong ka mu sakor angui achunga achuang Iamrua le Adik atia ka mu; ama han adika rui arila mi adui chachak.

¹²A mit ngai moi ra-ang anga, aluna reng lukhu atampa akhu. Atak chunga raming anziak ama rong keng ariat.

¹³Apuan rasil ha thi asip thak. A raming chu “Pathian chong.”

¹⁴Vanram sipai rualin azi. Sakor angui chunga achuanga puan angui arasil u.

¹⁵A mur ata khendai angei asuaka, hava lehan namtin mandok inti, achung u na thir raimol le ruiril inti Pathian Athotheikiar a taksitna gerep epna na ep inti.

¹⁶Hatuka apuan le aketor chunga, “reng ngai Reng puma ngai Puma” ti raming anziak inti.

¹⁷Hatuka vanpalai, ani chunga anding ka mu, anring pana va ngai akhek chunga azuang ngai: “Hong u ro hongan chun u ro Pathian bukhalai zarna na!

¹⁸Hong u tan reng ngai taksa, ulian ngai, sipai ngai, sakor le achunga chuang ngai le mi ngai dora me hongsa u ro, suak ngai azok ngai asin alian!” atia.

¹⁹Hatuka ha me rang le ramual reng ngai le a sipai anchuna sakor chunga achuang le a sipai ngai adui ranga.

²⁰Ha me rang ha akhita atuang u abila deari rathol ngai le aring chunga anin u moi tindila apei u.

²¹A sipai ngai ha khendai le athat u na ha sakor chunga a chuang a mur ata asuak lehan; va ngaiin a me u ei sak thei ri asak u.