Read Ranglong ANLANGNA 4 Bible Online

ANLANGNA 4 - Ranglong bible

ANLANGNA 4

¹Hava lai tak han anralna ka mu reta vanrama suakkhar anlong. Hatuka totorot rasa anga he ka riat ka matona a chong, “Hong kal ro ati, hatuka hiva suale imo atung rang na manmu ka ting,” ati.

²Anlaiseka Rathana ka om. Vanrama chomphang khata mi ansut.

³A mai lunglu anga el jasper le sardion anga, hatuka achomphang ha sumansai in akual emerald anga.

⁴A chomphang ravela atei ansutna somanni manli ala om, hava han upa somanni manli ansut avar le anliang rangkachak lukhu ankhu u.

⁵Reng chomphang ata khuanlek, he, khuanri rasa ahonga suak. Reng sutmun matona moiser sari achuang hava ngai ha Pathian ratha, sari.

⁶Hanuk amatona dapon tipui anga kristal anga anthiang. Hatuka reng sutmun anhual kiltina nukanei manli amaton anuk mit abit.

⁷Man khita ha akoibaknei aphua, anni changna ha serat tang aphua; anthumna ha miring aphua; hatuka manli changna ha muliang a zuang aphua.

⁸Ha nukanei manli han mantha aruk seng adon u, hatuka amit riam apanga asunga. Asun azan la ei tho mong u mak: “Anthiang, anthiang, anthiang Puma Pathian Athotheikiar. A om sua, a om, ala om rang.”

⁹Ha nukanei manli han anpakna lalchi la atho u hatuka reng sutmuna ansut ha raisanna aril.

¹⁰Upa somanni manli han ha reng sutmuna ansut ha anboka amok u umor taituana adam ha. A lukhu reng ansutna matona akheka adeng u na ati u.

¹¹“Koini Na puma na Pathian! Nang hi arua na ni. Anlianna, lalchi, thotheina aman rang nangin aloma nei sin, hatuka nang nei zota ei om thei hanuk ei dam.”