Read Ranglong ANLANGNA 5 Bible Online

ANLANGNA 5 - Ranglong bible

ANLANGNA 5

¹Lekhanzual ka mu reng sutmuna ansut achang kuta; anziak riam pek a nuk a maton hatuka mor sari anzem.

²Hatuka vanpalai aliantak ka mu anring sabaka tang ahai. “Tumo, ha mor ansiata lekhanzual aphong thei ati?”

³Tenchu tute anvana, phila, maniapur thuaia ha lekha anzual aphonga a en thei om mak.

⁴Ana sabaka ka chap asik chu angkhat ngal aphong thei ei bui sika le ha lekhanzual a en thei ei om nok sika.

⁵Upa khatin a na ti, “Chap no ro enro! Juda nama akoibaknei, David akhuka aliantak, ama han amator zei, ama han mor akhuia lekhanzual a malong.”

⁶Hatuka Berate reng sutmun alai taka anding ka mu, ha nukanei manli le upa ngaiin eia hual. Ha Berate anthat sua anga anlang, raki sari le mit sari don hava ha Pathian ratha sari ramual pumpuia ei mathuan.

⁷Berate asena reng sutmuna ansut achang kuta lekhanzual ava lak.

⁸Hantin han ei tho nukanei manli le upa somanni manli ngaiin Berate matona anbok u. A kut u kipa chongpereng le rangkachak bel marim ahui abit a don u hava ngai ha Pathian mi ngai borzong.

⁹La thar atho u: “Nang hi arua na ni ha lekhanzual alak rang akhuia sil aphong rang. Anthat nei ni, na thisen le Pathian rang nei rachok namtin kara mi, chongtin, ramtin le chitin.

¹⁰Nangin chaizung ngai ram nei sin. koini na Pathian abiak ranga, hatuka ramuala rui la ril unti.”

¹¹Kan hoi reta kei mu chu vanpalai asang le asang, sasi le sasi! Ha rengsutmun matona anding u, ha nukanei manli le upa ngaiin,

¹²anring sabaka la tho u: “Berate anthat ha arua ani thotheina, neina, hianna, ranak lalchi, anlianna le anpakna aman rua ani!”

¹³Hatuka kei riat chu nukanei dora vanrama, phila, ramual thuaia, tipui sunga nukanei chung thuaia doran la atho: “Reng sutmuna ansut le Berate kom anpakna, lalchi, anlianna, thotheina umor taituana om rase.”

¹⁴Ha nukanei manlin amasang, “Amen!” Upa ngaiin anbok laka amok u.