Read Rejang MATIUS 7 Bible Online

MATIUS 7 - Rejang bible

MATIUS 7

¹“Jibeakba mutus tun luyen besaleak, mako Allah kulo bakea mutus udi besaleak.

² Kerno awei udi mutus tun luyen besaleak, Allah kulo bakea mutus udi besaleak. Allah bakea mukua udi awei udi mukua tun luyen.

³Getai udi kemliak debu kieu neak matai pasuak nu, tapi kieu neak lem matainu coa keten?

⁴Kero udi dapet madeak ngen pasuaknu, ‘Kunyauba uku kemluea debu kieu'o,’ kunei matainu, tapi ade kieu neak lem matainu dewek?

⁵Hoi tun munafik! Kemlueaba kileak kieu kunei matainu dewek, mako ko bakea kemliak ngen jelas, ngen dapet utuk kemluea debu kieu kunei matai pasuaknu.

⁶Jibeak udi melei barang de sucai ngen kuyuk kerno kuyuk'o bakea belek semrangnu jau'eak, kerno bakea melat mutiaro'o.”

⁷“Minoiba, mako udi bakea temimo. Mesoaba mako udi bakea dapet. Kemtukba, mako bang bakea nukok utuknu.

⁸Kerno tun de minoi bakea temimo tun de mesoa bakea dapet: ngen tun de kemtuk, bang bakea nukok utukne.

⁹Jano ade neak antaro udi su'ang Bak, de melei butau ngen anokne, amen si minoi ruti?

¹⁰Ngen melei dung, amen si minoi kan?

¹¹Amen udi de jahat, namen melei de baik ngen anok-anoknu. Jano igai Baknu neak surgo! Si bakea melei de baik ngen tobo'o de minoi ngen-Si.

¹² Meneaba ngen tun luyen awei udi kemlok tun luyen menea ngen ko. Do'oba isai kute ukum Musa ngen kiteb paro nebai.”

¹³“Kerno bang ngen dalan moi nerako lai ngen dau tun liwetne.

¹⁴Tapi bang de sepit ngen dalen de saro mbin tun ngen idup ngen didik tun de temaune.”

¹⁵“Atei-ateiba ngen nebai-nebai palsu. Tobo'o teko ngen udi awei domba, tapi tobo'o sebeneane awei srigala de teko utuk semrang udi.

¹⁶Udi bakea kemnal kunei jano de tobo'o menea. Sakea tebok coa kemluea bueak anggur, sakea tebok coa manen bueak de senbut ara.

¹⁷Kunei pun de baik bueakne baik, pun de coa baik bueakne coa baik kulo.

¹⁸Coa mukin pun de baik, bueakne coa baik, pun de coa baik bueakne baik.

¹⁹ Tiep pun de bueakne coa baik tembang ngen nembem.

²⁰ Awei kulo nebai-nebai palsu. Udi bakea kemnal tobo'o kunei jano de tobo'o menea.”

²¹“Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

²²Pado Bilai Kiamat dau tun de bakea menggang ngen Uku, ‘Tuhan, Tuhan, keme bi semapei pesen Allah lem gen-Nu. Keme kulo bi musir setan serto made dau mujizat lem gen-Nu. Kemerjo periteak Allah demi gen-Nu? Musir setan demi gen-Nu, ngen menea mujizat demi gen-Nu kulo?’

²³ Tapi uku bakea jemawab, ‘Uku coa perneak kemnal udi! Lalauba kunei yo, udi coa perneak kemerjo de periteak Allah!’ ”

²⁴“Jijai, tiep tun de temi'uk nadeak-Ku yo ngen kemerjone, si serai ngen tun de pacok, de temgok umeakne neak das butau.

²⁵Waktau tu'un ujen, ngen tekoba banjir serto ibut lai temiup umeak'o, umeak'o coa ubuak kerno mbangun neak das butau.

²⁶Tapi tiep tun de temi'uk nadeakku yo ngen coa kimerjone, si serai ngen tun bodong de temgok umeak neak das benei.

²⁷Waktau tu'un ujen, serto ibut lai temiup umeak'o, umeak'o ubuak ngen usakne kembiak luea biaso!”

²⁸ Sesudo Yesus selesei ngajea, tun-tun de ade neak di kembiak heran, temi'uk isai ajaran.

²⁹Kerno Si majea tobo'o ngen kuaso, coa awei gu'au-gu'au agamo tobo'o.