Read Rejang ROMA 10 Bible Online

ROMA 10 - Rejang bible

ROMA 10

¹Saudaro-saudaro, kelok ateiku ngen du'oku ngen Tuhan adeba, supayo tobo'o selamat.

²Sebab uku dapet melei saksai tetang tobo'o, bahwo tobo'o sungguak-sungguak rajin utuk Allah, tapi coa ade pengertian de benea.

³Sebab, kerno tobo'o coa kemnal kebenaran Allah ngen kerno tobo'o berusaho utuk temgok kebenaran tobo'o su'ang, mako tobo'o coa takhluk ngen kebenaran Allah.

⁴Sebab Kristus adeba kegenapan hukum agamo Yahudi, sehinggo kebenaran dapet ngen tiep-tiep tun de pecayo.

⁵ Sebab Musa temulis tetang kebenaran kerno hukum agamo Yahudi, “Tun de meneane, bakea idup kernone.”

⁶ Tapi kebenaran kerno imen madeak awei yo, “Jibeak madeak neak lem ateinu: ‘Api bakea kenek moi surgo?’ (adeba: utuk mbin Yesus tu'un),

⁷atau, ‘Api bakea tu'un moi jurang maut?’ (adeba: utuk mbin Yesus kenek kunei antaro tun matei).”

⁸Tapi jano nadeakne? Dio: “Firman o pa'ok ngen udi, adeba neak lem bibianu ngen neak lem ateinu.” Do'oba firman imen, de keme melei namen.

⁹Sebab amen ko madeak ngen bibianu, bahwo Yesus adeba Tuhan, ngen pecayo neak lem ateinu, bahwo Allah bi midup igai Si kunei antaro tun matei, mako udi bakea selamat.

¹⁰Kerno ngen atei tun pecayo ngen benea, ngen bibia tun ngakau ngen senlamat.

¹¹ Kerno Kiteb Sucai madeak, “Api de pecayo ngen Si, coa bakea selek.”

¹²Sebab coa ade bedane tun Yahudi ngen iso Yahudi. Kerno, Allah de do o adeba Tuhan kunei kute tun, kayo utuk kute tun de minoi tulung ngen-Si.

¹³ Sebab, api de minoi tulung ngen gen Tuhan, bakea senlamat.

¹⁴Tapi awei ipe tobo'o dapet minoi tulung ngen Si, amen tobo'o coa pecayo ngen Si? Awei ipe tobo'o dapet pecayo ngen Si, amen tobo'o coa temi'uk tetang Si, amen coa ade de melei namen tetang Si?

¹⁵ Ngen awei ipe tobo'o dapet melei namen tetang Si, amen tobo'o coa nutus? Awei ade tetulis, “Padeak baikne tobo'o teko ngen mbin Bito Baik!”

¹⁶ Tapi coa kute tun bi temimo Bito Baik o. Yesaya su'ang bae madeak, “Tuhan, api de pecayo ngen bito keme?”

¹⁷Jijai, imen teko kunei pendengaran, ngen pendengaran kerno firman Kristus.

¹⁸ Tapi uku betanye: Jano tobo'o coa temi'ukne? Memang tobo'o bi temi'ukne: “Sa'ei tobo'o sapei moi kute dunio, ngen kecek tobo'o sapei moi ujung bumai.”

¹⁹ Tapi uku betanye: Jano Israel temi'ukne? Pertamo-tamo Musa madeak: “Uku menea udi jijai cembu'au teadep tun-tun de iso umat ngen menea udi mengiak teadep bangso de bodong.”

²⁰ Ngen binai Yesaya madeak: “Uku bi temau ngen tobo'o de coa mesoa Uku, Uku bi kemten dirai ngen tobo'o de coa temanye Uku.”

²¹Tapi tetang Israel Yesaya madeak, “Sepanjang bilai Uku bi mulua tangen-Ku ngen bangso de coa taat ngen de membantah.”