Read Rejang GALATIA 1 Bible Online

GALATIA 1 - Rejang bible

GALATIA 1

¹Saudaro-saudaro jemaat-jemaat neak wilayah Galatia, Uku, Paulus, ngen kute saudaro Kristen de besamo uku, ma'ep semoga Allah Bapa ite ngen Tuhan Yesus Kristus melei berkat ngen sejahtera ngen udi.

⁴Taat ngen kelok Allah Bapa ite, Kristus semreak dirai-Ne jijai kurban utuk duso-duso ite, supayo ite senlamat kunei zaman de jahat yo. Uku jijai rasul iso ngen perantara manusio atau kerno naket ngen manusio, mluyen ngen Yesus Kristus ngen Allah Bapa ite de sudo midup Si igai kunei matei.

⁵Tepujaiba Allah selamone! Amin.

⁶Uku sele tetang Saudaro-saudaro! Udi nok Allah kerno rahmat Kristus, ngen temotoa Bito Baik de luyen,

⁷de sebeneane iso Bito Baik. Cuma ade tun de kemacau udi ngen maksudne utuk nutea belek Bito Baik Kristus.

⁸Tun de melei namen “Bito Baik” de luyen kuneipado Bito Baik de sudo keme melei namen, kunyauba si nukum Allah — kunyau tun o keme suang atau malaikat kunei surgo!

⁹Awei de sudo keme madeak ayokne, uyo uku madeak debat igai: Amen ade tun de melei namen ngen udi suaktau Bito Baik, de coa serai ngen jano de sudo udi temimo, terkutukba si.

¹⁰Jijai awei ipe uyo: Jano uku mesoa kesukaan manusio atau kesukaan Allah? Atau uku cubo semnang atei manusio? Sekirone uku masiak lok cemubo semnang atei manusio, mako uku isoba hamba Kristus.

¹¹Sebab uku temgas nge udi, Saudaro-saudaroku bahwo Bito Baik de uku melei namen o isoba Bito Baik de asalne kunei manusio.

¹²Kerno uku coa temimone kunei manusio ngen iso manusio de majeane ngen uku, tapi uku temimone liwet ungkapan Yesus Kristus.

¹³ Paset udi bi temi'uk tetang idupku bel'o sebagai suang penganut agamo Yahudi. Udi namen awei ipe kejamne uku menea jemaat Allah ngen awei ipe uku berusaho majuane.

¹⁴ Neak lem hal maneu agamo Yahudi kulo uku uak lebiak maju kunei dau kuat de bayeakku neak antaro bangsoku, sebagoi tun de kebiak rajin miaro adat istiadat ninik puyangku.

¹⁵ Tapi kerno baikne atei Allah, Si miliak uku ayok uku laher ngen menok uku utuk melayan-Ne.

¹⁶Allah melei bukti Anok-Ne ngen uku supayo Bito Baik tetang Anok-Ne dapet uku nelei namen ngen tun-tun iso Yahudi. Pado waktau o uku coa lalau ngen suang tun kulo utuk minoi nasihat.

¹⁷Uku coa kulo lalau ngen tun-tun neak Yerusalem de sudo lebiak dute kunei uku jijai rasul. Tapi uku lalau moi negrai Arab, lajau neak di belek igai moi Damsyik.

¹⁸ Telau taun sesudo'o, uku lalau moi Yerusalem utuk kenal ngen Petrus. Uku tinggea neak di cuma lemo blas bilai ke'anne.

¹⁹Tapi uku coa kemliak suang kulo kunei rasul-rasul de luyen, kecuali Yakobus, pasuak Tuhan.

²⁰Jano de uku temulis yo benea. Allah namen bahwo uku coa mike.

²¹Sesudo'o uku lalau moi daerah-daerah Siria ngen Kilikia.

²²Sapei pado waktau o jemaat-jemaat Kristen neak Yudea masiak ati namen ngen uku seca'o langsung.

²³Tobo'o cuma temi'uk tun madeak, “Tun de bel'o semikso keme, uyo melei namen kepercayoan de bel'o lok najuane.”

²⁴Mako tobo'o mujai Allah kerno uku.