Read Rejang EFESUS 2 Bible Online

EFESUS 2 - Rejang bible

EFESUS 2

¹ Udi bel'o bi matei kerno pelanggaran-pelanggaran ngen duso-duso udi.

²Udi idup neak lemne, kerno udi temotoa dalen dunio yo, udi taat ngen penguaso kerajaan angkasa, adeba roh de uyo dong bekerjo neak antaro tun-tun durhako.

³Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

⁴Tapi padeak laine kemurahan atei Allah! Si kebiak mengasihi ite,

⁵sehinggo pado waktau ite masiak matei seca'o rohani kerno pelanggaran pelanggaran ite, Si midup ite igai besamo-samo Kristus. Jijai, cuma kerno baikne atei Allah, udi senlamat-Ne.

⁶Kerno ite jijai do ngen Kristus Yesus, Allah midup igai ite ngen melei penan besamo-samo ngen Si neak surgo.

⁷Allah nea o supayo pado zaman de bakea teko, manusio dapet kemliak padeak laine kasih Allah. Kasih o kenten Allah liwet kebaikan atei-Ne ngen ite liwet Yesus Kristus.

⁸Allah mengasihi udi, do'o sebabne Allah semlamat udi kerno udi pecayo ngen Yesus; do'o iso asea usahonu, tapi pelei Allah,

⁹do'o iso asea kerjonu, supayo coa ade tun de ombong.

¹⁰Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

¹¹Kerno o, tingetba bahwo bel'o udi adeba tun-tun iso Yahudi seca'o jasmani, de senbut tun-tun coa senunat ngen tobo'o de madeak diraine “senunat”, adeba sunat lahiriah de nea tangen manusio.

¹²Pado waktau o udi coa jijai do ngen Kristus, udi adeba tun asing de coa termasuk umat pilihan Allah. Udi coa termasuk lem ikatan janjai de nea Allah ngen umat-Ne. Udi idup lem dunio yo coa ade harapan ngen coa ade Allah.

¹³Tapi uyo, kerno udi jijai do ngen Kristus Yesus, udi de bel'o “uak”, bi jijai “pa'ok” ngen mateine Kristus.

¹⁴Sebab Kristus suang adeba damoi sejahtera ite. Si jemijai do tun-tun Yahudi ngen tun-tun iso Yahudi jijai do bangso. Tembok pemisah antaro tobo'o, adeba permusuhan, bi najua-Ne ngen semreak dirai-Ne suang jijai saro.

¹⁵ Hukum Taurat ngen periteak-periteak ngen aturan-aturanne bi napus Kristus supayo duai bangso o jijai do bangso manusio blau, de jijai do ngen-Si. Ngen ca'o o ba Kristus menea perdamaian.

¹⁶ Ngen matei-Ne senalib, Kristus bi menea duai bangso jijai do, ndamoi tobo'o ngen Allah, sehinggo nyepba permusuhan o.

¹⁷ Kristus teko ngen melei Bito Baik tetang perdamaian o ngen udi, baik ngen udi de iso yahudi de bel'o uak kunei Allah, atau ngen tun Yahudi de pa'ok ngen Allah.

¹⁸Kerno liwet Kristus, ite kute jijai do dapet pa'ok ngen sang Bapa.

¹⁹Sebab o, udi iso igai termasuk tun asing atau tun luea. Udi uyo adeba samo-samo warga umat Allah. Udi adeba anggota-anggota keluargo Allah.

²⁰Udi kulo ten gok neak das dasar paro rasul ngen paro nebai, ngen Kristus Yesus sebagoi butau de utamo.

²¹Siba de semusun kute bangunan o jijai Bait Allah de khusus utuk Tuhan.

²²Neak lem Si udi kulo dong ten gok jijai Penan Allah, neak lem Roh-Ne.