Read Rejang KOLOSE 4 Bible Online

KOLOSE 4 - Rejang bible

KOLOSE 4

¹ Saudaro-saudaro de jijai tuan, lokba udi adea ngen jujur te'adep hambanu. Tingetba, bahwo udi kulo temuan suang majikan neak surgo.

²Lokba udi taat bedu'o ngen siap siaga, samo mucep syukur ngen Allah.

³Bedu'oba kulo utuk keme supayo Allah melei ngen keme kesepatan de baik utuk melei namen bito tetang resio Kristus. Kerno hal o ba mako uku uyo yo ade neak lem sel.

⁴Bedu'oba supayo uku dapet jemlas resio o seca'o jelas de awei ipe seharusne.

⁵ Neak lem hubungan udi ngen tun-tun de coa pecayo, lokba udi idup bijaksana ngen makei tiep kesepatan ngen sebaik-baikne.

⁶Lokba hal-hal de udi nadeak bogoa semnang atei. Lokba udi namen awei ipe seharusne udi jemawap pertanyaan-pertanyaan tun.

⁷ Kute bito tetang uku bakea udi namen liwet Tikhikus, Saudaro ite. Si setia kerjo besamo-samo keme utuk Tuhan.

⁸Uku mutus si ngen udi ngen alasan supayo udi namen keadaan keme ngen udi terhibur.

⁹ Onesimus bakea lalau besamo-samo Tikhikus; si suang kunei udi. Si tun de setia, ngen keme sayang ngen si. Onesimus ngen Tikhikus bakea melei namen ngen udi kekutene de tejijai neak penan uku yo.

¹⁰ Aristakhus, de ade neak lem sel besamo-samo uku, mbo salam utuk udi. Awei o kulo Markus, Saudaro sepupu Barnabas. (Udi bi nbo bito utuk semambut si amen si teko magea udi.)

¹¹Salam kulo kunei Yesus de genne Yustus kulo. Kunei tun-tun Yahudi de sudo pecayo ngen Tuhan Yesus, cuma tobo'o betelau bae de uyo kerjo besamo ngen uku utuk maneu tugas kunei Allah. Tobo'o sungguak-sungguak temulung uku.

¹² Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

¹³Uku kemliak suang bahwo si sudo kerjo keras utuk udi ngen utuk tun-tun de neak Laodikia ngen Hierapolis.

¹⁴ Dokter Lukas, de ite sayang, ngen Demas mbo salam utuk udi.

¹⁵Senapeiba salam keme ngen Saudaro-saudaro Kristen neak Laodikia; kulo ngen Nimfa, ngen jemaat de semyang neak umeakne.

¹⁶Sesudo su'et yo nebaco ngen udi, usahoba supayo do'o mbaco kulo ngen jemaat neak Laodikia. Awei o kulo udi suang harus mbaco su'et de bakea mbo kunei Laodikia ngen udi.

¹⁷ Ngen melei namen Arkhipus, “Semleseiba tugas de nelei ngen ko guno mlayan Tuhan.”

¹⁸Salam kunei uku, Paulus. Uku suang de temulis bagian yo. Jibeak coa tinget bahwa uku masiak neak lem sel! Semoga Tuhan memberkati udi. Hormat keme, Paulus