Read Rejang 1 PETRUS 5 Bible Online

1 PETRUS 5 - Rejang bible

1 PETRUS 5

¹Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

² Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.

³Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.

⁴Pado waktau Gembala Agung o teko konyo, udi bakea temimo mahkota de gemilang, de coa bakea pudea kegemilanganne.

⁵ Awei'o kulo Saudaro, tun-tun uai. Tundukba ngen tun-tun de tuai. Saudaro kutene harus merendeak dirai ngen saling melayan ngen rendeak atei. Sebab lem Kiteb sucai tetulis awei yo, “Allah temtang tun de ombong, tapi mengasiak tun de rendeak atei.”

⁶ Sebab o, rendeakba diranu neak beak tangen Allah de kuet, supayo Si melkat udi amen sudo waktaune.

⁷Senreakba kute kekhawatirannu ngen Allah, sebab Si gemleko.

⁸Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.

⁹Nelawenba si ngen imen de teguak, sebab udi namen bahwo saudaro-saudaro sesamo Kristen luyenne neak kute dunio kulo menderita awei udi.

¹⁰Tapi sesudo udi menderita tegoa, Allah suang bakea menea udi jijai sempurno. Si bakea temgok ngen kemuet udi serto kemukuak udi. Sebab Si adeba Allah de kembiak baik atei, de sudo menok ko utuk milau meraso keagungan-Ne de abadi liwet Kristus.

¹¹Kristus adeba de bekuaso sapei selamo-lamone! Amin.

¹² Su'et de siket yo uku temulis ngenko ngen bantuan Silas, de uku manggap suang saudaro Kristen de setia. Uku lok melai dorongan ngenko ngen meyakin udi bahwo jano de uku temulis yo bito de benea tetang rahmat Allah. Lokba udi bepegong teguak pado rahmat o.

¹³ Kekuat do jemaat neak Babilon, de kulo tepiliak ngen Allah, mbo salam ngenko; awei'o kulo anokku Markus de tercinta.

¹⁴Besalam-salamba do ngen de luyen ngen penuak kasiak sebagai saudaro Kristen. Semoga Tuhan melei sejahtera ngen Saudaro kutene de jijai hok Kristus. Hormat keme, Petrus