Read Rejang WAHYU 16 Bible Online

WAHYU 16 - Rejang bible

WAHYU 16

¹Lajau uku temi'uk sa'ei kunei Bait Allah madeak ngen ketujuak malaikat o, “Lalauba ngen ne'engba ketujuak murka Allah o moi das bumai.”

² Malaikat pertamo lalau ngen temupeak si'ing penanne moi das bumai. Mako timboaba bisoa-bisoa de kidek ngen bahayo utuk kute tun de makei tando kunei benatang o, ngen tun-tun de nyembeak patungne.

³Sesudo'o malaikat keduai temupeak si'ing penanne moi laut. Mako bioa laut jijai awei daleak tun matei, ngen mateiba kute makhluk de idup neak lem laut.

⁴ Sesudo'o malaikat ketelau temupeak si'ing penanne moi bioa-bioa de'es ngen moi matai bioa, mako kute bioane jijai daleak.

⁵Uku temi'uk malaikat de bekuaso das bioa madeak, “Hukuman de Ko melei adeba adea, Allah de sucai, Allah de ade, ngen de sudo ade!

⁶Tobo'o bi temupeak daleak umat Allah ngen daleak nebai-nebai; uyo Ko menea tobo'o mbuk daleak. Hal o wajar utuk tobo'o!”

⁷Lajau uku temi'uk sa'ei kunei mezbah madeak, “Tuhan, Allah Mahakuaso, benea ngen adeaba ukuman-ukuman de Ko melei!”

⁸Sesudo'o malaikat kepat temupeak si'ing penane moi matai bilai, mako matai bilai kulo nelei kuaso utuk mbem manusio ngen opoi.

⁹Manusio nembem ngen panes opoi de kembiak panes, ngen tobo'o nyupeak Allah, de bekuaso das bencano-bencano o. Kunyau awei o, tobo'o coa lok tobat kunei duso-duso tobo'o ngen coa lok mujai kebesaran Allah.

¹⁰ Lajau malaikat kelemo temupeak si'ing penanne moi takhta benatang o. Mako kute kerajaan benatang o jijai kelem, ngen manusio menget dileak kerno gis.

¹¹Lajau tobo'o nyupeak Allah neak surgo kerno tobo'o gis ngen kerno bisoa-bisoa tobo'o. Tapi tobo'o coa kulo tobat kunei plep-plep tobo'o de kidek.

¹² Sesudo'o malaikat kenum temupeak si'ing penanne moi Bioa Efrat de lai o. Mako bioa o ke'ing sehinggo rajo-rajo kunei timur dapet paneu melitasne.

¹³Lajau uku kemliak telau roh jahat de awei kekek. Masing-masing kekek o keluea kunei bibia nagai, kunei bibia benatang, ngen kunei bibia nebai palsu.

¹⁴Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

¹⁵ “Teni'ukba! Uku teko awei maling! Riangba tun de siap ngen jemago keracokne, sehinggo si coa paneu ngen beleseng ngen jijai selek neak adep tun dau!”

¹⁶ Sesudo'o roh-roh o kemopoa rajo-rajo o neak penan de lem bahaso Ibrani senbut Harmagedon.

¹⁷Sesudo'o malaikat ke tujuak temupeak si'ing penanne moi udara. Mako teni'ukba sa'ei de lek kunei takhta neak Bait Sucai, de madeak, “Sudo selsei!”

¹⁸ Lajau tejijaiba gelep, ngen sa'ei gutua gemeruduk, serto gepo de kembiak lai. Coa perneak tejijai gepo awei o sejak manusio ade. Dioba gepo de paling lai!

¹⁹ Kota de lai o pecuak jijai telau bagian, ngen ajuaba kulo kota-kota kute negara neak dunio. Lajau Allah tinget ngen Babel de lai o. Mako Allah menea si mbuk anggur kunei penan anggur Allah — adeba anggur murka Allah de lai.

²⁰ Kute puleu nyep, ngen kute tebo nyep kulo.

²¹ Ujen es lai, masing-masing si'ingne lemo puluak kilo, cucia kunei lenget keno tun-tun. Mako tobo'o nyupeak Allah kerno bencano ujen es de kembiak lai o.