Read Revised Akuapem Twi DC-KYERƐW KRONKRON 2 Ahene 10 Bible Online

2 Ahene 10 - Revised Akuapem Twi DC-KYERƐW KRONKRON bible

2 Ahene 10

¹Na Ahab wɔ mmammarima aduɔson Samaria. Na enti Yehu kyerɛkyerɛw nhoma na ɔsomaa ma wɔde kɔɔ Samaria kɔmaa Yesreel asafohene, mpanyimfo ne Ahab mma gyigyefo no sɛ:

²Sɛ nhoma yi ka mo nsa a, sɛ mo wura mma wɔ mo nkyɛn na nteaseɛnam ne apɔnkɔ ne ɔfasu mu kurow ne akode nso wɔ mo nkyɛn yi:

³Monhwehwɛ mo wura mma no mu nea oye ne nea ɔteɛ, na momfa no ntena n’agya agua so, na monko mma mo wura fi.

⁴Na wosuroe pa ara kae sɛ: Hwɛ, ahene baanu no annyina n’anim, na yɛn de, yebegyina dɛn?

⁵Na nea odi ofi no so ne nea odi kurow no so no, mpanyimfo ne mma gyigyefo no soma kɔɔ Yehu nkyɛn sɛ: Wo nkoa ne yɛn, na nea wobɛka akyerɛ yɛn nyinaa, yɛbɛyɛ; yɛrensi ɔhene biara; yɛ nea wopɛ.

⁶Ɛnna ɔkyerɛw wɔn nhoma a ɛto so abien sɛ: Sɛ mowɔ m’afa na mobetie me a, momfa nnipa no, mo wura mma no, ti mmra me nkyɛn ɔkyena sesɛɛ Yesreel. Nso ɔhene mma no si mmarima aduɔsn; kurow no mu nnipa akɛse no nkyɛn na wɔyɛn wɔn.

⁷Na nhoma no kaa wɔn nsa no, wɔfaa ɔhene mma no kunkum nnipa aduɔsɔn no, na wɔde wɔn ti guguu nkyerɛnkyɛ mu, na wɔsoma ma wɔde kɔmaa no Yesreel.

⁸Na ɔbɔfo no ba bɛka kyerɛɛ no sɛ: Wɔde ɔhene mma no ti no aba. Na ose: Monhɔre no akuw abien ɔpon no ano nkosi anɔpa.

⁹Na anɔpa no, ofii adi kogyinaa hɔ, na ɔka kyerɛɛ ɔman no nyinaa sɛ: Mudi bem, hwɛ, me na mepam me wura ti so na mikum no; na hena na okunkum eyinom nyinaa?

¹⁰ Munhu afei, sɛ AWURADE asɛm a ɔkae Ahab fi ho no mu biara bɛba mu, na AWURADE ayɛ nea ɔnam n’akoa Elia so kae no.

¹¹Na Yehu kum Ahab fi nnipa a wɔkae nyinaa Yesreel, ne ne nnipa akɛse ne n’amannifo ne n’asɔfo nyinaa kosii sɛ wannyaw no obiara amma wamfi mu.

¹²Na ɔsɔre siim kɔɔ Samaria; na ɔwɔ nguanhwɛfo dan a wɔsesa mu nguan no ho, ɔkwan mu no,

¹³ Yehu hyiaa Yuda hene Ahasia ne nuanom, na ɔkae sɛ: Henanom ne mo? Na wose: Ahasia ne nuanom ne yɛn, na yɛresan akɔ akɔhwɛ ɔhene mma ne ɔhemmea mma no sɛ wɔn ho te dɛn.

¹⁴Na ɔkaa sɛ: Monkyere wɔn anikan! Na wɔkyekyeree wɔn anikan, na wokunkum wɔn nguansesa dan no ho amoa no ho, nnipa aduanan abien, na wannyaw wɔn mu biara.

¹⁵ Na ofi hɔ rekɔ no, ohuu Rekab ba Yehonadab sɛ ɔreba abehyia no; na okyiaa no ka kyerɛɛ no sɛ: So wodɔ me sɛ medɔ wo yi? Na Yehonadab se: Ɛte sa! Na Yehu se: Sɛ ɛte saa a, so me nsam ɛ! Na osoo mu; na ɔma ɔforo kɔɔ ne nkyɛn teaseɛnam no mu.

¹⁶Na ɔkae sɛ: Wo ne me nkɔ, na kɔhwɛ me ninkunu a metwe mema AWURADE. Na ɔma ɔtenaa ne teaseɛnam no mu.

¹⁷ Na oduu Samaria no, okum nnipa a wɔka maa Ahab, Samaria no nyinaa kosii sɛ ɔsɛee wɔn, sɛ AWURADE ka kyerɛɛ Elia no.

¹⁸ Na Yehu boaboaa ɔman no nyinaa ano hyiae, na ɔka kyerɛɛ wɔn sɛ: Ahab som Baal kakraa bi, Yehu de, ɔbɛsom no bebree.

¹⁹Na afei, Baal adiyifo nyinaa, ne n’asomfo nyinaa ne n’asɔfo nyinaa, momfrɛ wɔn mmra me nkyɛn, mommma obiara nnka, na mewɔ afɔre kɛse mebɔ mema Baal; obiara a ɔbɛka no rennya nkwa. Na Yehu yɛɛ no anitew mu, sɛ ɔrebɛsɛe Baal asomfo.

²⁰Na Yehu kae sɛ: Mompae nhyia kronkron mma Baal. Na wɔpaee.

²¹Na Yehu soma kokyinii Israel nyinaa, na Baal nkoa nyinaa bae, anka obiara. Na wɔbaa Baal fi, na Baal fi yɛɛ ma fi ano kɔpem ano.

²²Na ɔka kyerɛɛ nea ɔhwɛ ntade dan so no sɛ: Yiyi ntade brɛ Baal nkoa no nyinaa. Na okoyii ntade no de brɛɛ wɔn.

²³ Ɛnna Yehu ne Rekab ba Yehonadab kɔɔ Baal fi, na ɔka kyerɛɛ Baal nkoa no sɛ: Mompɛɛpɛe mu nhu na AWURADE nkoa mu bi ammɛka mo ho ha sɛ Baal nkoa nko.

²⁴ Na wɔkɔɔ mu sɛ wɔrekɔbɔ afɔre ne ɔhyew afɔre. Na Yehu de mmarima aduɔwɔtwe agyina adiwo sɛ: Sɛ mmarima a mede wɔn merehyɛ mo nsa yi mu biara fi mu kɔ a, nea ɔma ɔkɔe no kra besi ne kra ananmu.

²⁵ Na owiee ɔhyew afɔre no bɔ no, Yehu ka kyerɛɛ awɛmfo ne akunini no sɛ: Monkɔ nkokunkum wɔn, mommma obiara mmfi. Na ammirikatufo ne akunini no de nkrante kunkum wɔn totow wɔn gui.

²⁶ Na wɔkɔɔ Baal fi ban no mu, na woyii Baal fi adum abien no, na wɔhyewee;

²⁷ na woburuw Baal dum no gui, na woburuw Baal fi no gui, na wɔde yɛɛ tiafi de besi nnɛ.

²⁸Sɛɛ na Yehu sɛee Baal fii Israel.

²⁹ Nanso Nebat ba Yeroboam a ɔmaa Israel yɛɛ bɔne no bɔne akyi de, Yehu amfi, ɛne sika nantwi mma a ɛwɔ Betel ne Dan no.

³⁰ Na AWURADE ka kyerɛɛ Yehu sɛ: Esiane sɛ woayɛ yiye, sɛ woayɛ nea ɛteɛ m’ani so, na woayɛ Ahab fi sɛnea ɛwɔ me koma mu nyinaa nti: Wo mma a wɔbɛto so anan no bɛtena Israel agua so.

³¹Nanso Yehu anhwɛ amfa ne koma nyinaa anni AWURADE Israel Nyankopɔn mmara so: Wamfi Yeroboam a ɔmaa Israel yɛɛ bɔne no bɔne ho.

³² Nna no mu na AWURADE fii ase twitwaa Israel so, na Hasael kunkum wɔn Israel ahye nyinaa so,

³³efi Yordan owiapuei, Gilead asase nyinaa, Gadfo ne Rubenfo ne Manasefo de, fi Aroer a ɛwɔ Arnon subon ano, ne Gilead ne Basan.

³⁴Na Yehu ho nsɛm nkae ne nea ɔyɛe nyinaa ne ne mmaninne nyinaa, so wɔankyerɛw Israel ahene beresosɛm nhoma no mu?

³⁵ Na Yehu wui, na wosiee no Samaria; na ne ba Yehoahas bedii n’ade.

³⁶Na nna a Yehu de dii Israel so hene Samaria no si mfirihyia aduonu awotwe.