Read Revised Akuapem Twi DC-KYERƐW KRONKRON 1 Berɛsosɛm 25 Bible Online

1 Berɛsosɛm 25 - Revised Akuapem Twi DC-KYERƐW KRONKRON bible

1 Berɛsosɛm 25

¹ Nso Dawid ne dɔm so asafohene no yiyii Asaf ne Heman ne Yedutun mma no mu wɔn a wɔnsom mfa nsankuten ne mmɛnta asanku ne nnawuru nhyɛ nkɔm. Na nnipa a wɔyɛ adwuma no sɛ wɔn som te no dodow ni:

²Asaf mma mu: Sakur ne Yosef ne Netania ne Asarela, Asaf mma a wɔhyɛ Asaf ase, ɔno nso na ɔhyɛ ɔhene nsa ano nkɔm.

³Yedutun de: Yedutun mma ne: Gedalia ne Seri ne Yesaia [ne Simei], Hasabia ne Matitia, baasia no hyɛ wɔn agya Yedutun ase, ɔno kura sankuten hyɛ nkɔm de aseda ne ayeyi ma AWURADE.

⁴Heman de: Heman mma ne: Bukia, Matania, Usiel, Sebuel ne Yerimot, Hanania, Hanani, Eliata, Gidalti ne Romamti-eser, Yosbekasa, Maloti, Hotir, Mahasiot.

⁵ Eyinom nyinaa ne ɔhene dehufo Heman mma sɛnea Onyankopɔn hyɛɛ no bɔ sɛ ɔbɛma no so no; efisɛ Onyankopɔn maa Heman mmammarima dunan ne mmabea baasa.

⁶Eyinom nyinaa hyɛ wɔn agyanom ase AWURADE fi dwonto no mu kurakura nnawuru ne mmɛnta asanku ne nsankuten som Onyankopɔn fi, wɔ ɔhene no, Asaf ne Yedutun ne Heman ase.

⁷Na wɔne wɔn nuanom a wɔakyerɛ wɔn AWURADE dwonto no ano si nhumufo ara nko ahanu aduɔwɔtwe awotwe.

⁸ Na wɔbɔɔ ɔhwɛ adwuma no so ntonto, akumaa ne ɔkɛse, ɔkyerɛkyerɛfo ne osuani, nyinaa pɛ.

⁹Na ntonto a edi kan no kɔ maa Asaf de maa Yosef. Gedalia de tia abien, ɔne ne nuanom ne ne mma si dumien.

¹⁰Nea ɛto so abiɛsa ne: Sakur, ne mma ne ne nuanom, yɛ dumien.

¹¹Nea ɛto so anan no fi maa Yisri, ne mma ne ne nuanom, wɔyɛ dumien.

¹²Nea ɛto so anum ne: Netania, ne mma ne ne nuanom, wɔyɛ dumien.

¹³Nea ɛto so asia ne: Bukia, ne mma ne ne nuanom, wɔyɛ dumien.

¹⁴Nea ɛto so ason ne: Yesarela, ne mma ne ne nuanom, wɔyɛ dumien.

¹⁵Nea ɛto so awotwe ne: Yesaia, ne mma ne ne nuanom, wɔyɛ dumien.

¹⁶Nea ɛto so akron ne: Matania, ne mma ne ne nuanom, wɔyɛ dumien.

¹⁷Nea ɛto so du ne: Simei, ne mma ne ne nuanom, wɔyɛ dumien.

¹⁸Nea ɛto so dubiako ne: Asarel, ne mma ne ne nuanom, wɔyɛ dumien.

¹⁹Nea ɛto so dumien ne: Hasabia, ne mma ne ne nuanom, wɔyɛ dumien.

²⁰Nea ɛto so dumiɛnsa ne: Subael, ne mma ne ne nuanom, wɔyɛ dumien.

²¹Nea ɛto so dunan ne: Matitia, ne mma ne ne nuanom, wɔyɛ dumien.

²²Nea ɛto so dunum ne: Yeremot, ne mma ne ne nuanom, wɔyɛ dumien.

²³Nea ɛto so dunsia ne: Hanania, ne mma ne ne nuanom, wɔyɛ dumien.

²⁴Nea ɛto so dunsɔn ne: Yosbekasa, ne mma ne ne nuanom, wɔyɛ dumien.

²⁵Nea ɛto so dunwɔtwe ne: Hanani, ne mma ne ne nuanom, wɔyɛ dumien.

²⁶Nea ɛto so dunkron ne: Maloti, ne mma ne ne nuanom, wɔyɛ dumien.

²⁷Nea ɛto so aduonu ne: Eliata, ne mma ne ne nuanom, wɔyɛ dumien.

²⁸Nea ɛto so aduonu biako ne: Hotir, ne mma ne ne nuanom, wɔyɛ dumien.

²⁹Nea ɛto so aduonu abien ne: Gidalti, ne mma ne ne nuanom, wɔyɛ dumien.

³⁰Nea ɛto so aduonu abiɛsa ne: Mahasiot, ne mma ne ne nuanom, wɔyɛ dumien.

³¹Nea ɛto so aduonu anan ne: Romamti-eser, ne mma ne ne nuanom, wɔyɛ dumien.