Read Revised Akuapem Twi DC-KYERƐW KRONKRON 1 Berɛsosɛm 4 Bible Online

1 Berɛsosɛm 4 - Revised Akuapem Twi DC-KYERƐW KRONKRON bible

1 Berɛsosɛm 4

¹Yuda mma ne: Peres, Hesron ne Karmi ne Hur ne Sobal.

²Na Sobal ba Reaia woo Yahat, na Yahat woo Ahumai ne Lahad, eyinom ne Sorafo mmusua.

³Na eyinom ne Etam agya de: Yesreel ne Yisma ne Yidbas, na wɔn nua din de Haslelponi;

⁴ ne Penuel a ɔyɛ Gedor n’agya ne Eser a ɔyɛ Husa n’agya, eyinom ne Betlehem agya Efrata abakan Hur mma.

⁵Na Ashur a ɔyɛ Tekoa n’agya wɔ yerenom baanu, Hela ne Naara.

⁶Na Naara woo Ahusam ne Hefer ne Temeni ne Haahastari maa no; eyinom ne Naara mma.

⁷Na Hela mma ne: Seret, Yesohar ne Etnan.

⁸Na Kos woo Anub ne Sobeba ne Aharhel Harum ba mmusua.

⁹Na Yabes nyaa anuonyam sen ne nuanom; na ne na too no din Yabes sɛ: Mede yaw na ɛwoo no.

¹⁰ Na Yabes frɛɛ Israel Nyankopɔn sɛ: Oo, sɛ anka wubehyira me na woatrɛw me hye mu na wo nsa adi m’akyi na woamma bɔne bi ammɛyɛ me na ɛyaw bi ammɛka me ɛ! Na Onyankopɔn maa nea ɔsrɛe no bae.

¹¹Na Kelub, Suha ne nua, woo Mehir a ɔne Eston agya.

¹²Na Eston woo Bet-rafa ne Pasea ne Tehina, Ir-nahas agya; eyinom ne Reka nkurɔfo.

¹³ Na Kenas mma ne: Otniel ne Seraia; na Otniel mma ne: Hatat.

¹⁴Na Meonotai woo Ofra. Na Seraia woo Yoab, Ge-harasim[1] agya, efisɛ wɔyɛ adwumfo.

¹⁵ Na Yefune ba Kaleb mma ne: Iru, Ela ne Naam; na Ela mma ne: Kenas.

¹⁶Na Yehalelel mma ne: Sif ne Sifa, Tiria ne Asarel.

¹⁷Na Esra mma ne: Yeter ne Mered ne Efer ne Yalon; na ɔwoo Miriam ne Samai ne Yisba a ɔyɛ Estemoa n’agya.

¹⁸Na ne yere a ɔyɛ Yudani woo Yered a ɔyɛ Gedor n’agya, ne Heber a ɔyɛ Soko n’agya, ne Yekutiel a ɔyɛ Sanoa n’agya; na eyinom ne Farao babea Bitia a Mered waree no no mma.

¹⁹Na Hodia yere a ɔyɛ Naham ne nuabea mma ne: Garmini Keila n’agya ne Maakatni Estemoa n’agya.

²⁰Na Simon mma ne: Amnon ne Rina, Ben-hanan ne Tilon. Na Yisi mma ne: Sohet ne Ben-sohet.

²¹ Yuda ba Sela mma ni: Er a ɔyɛ Leka n’agya, ne Laada a ɔyɛ Maresa n’agya, ne Bet-asbea nwera ho adwumayɛfo fi mmusua no,

²²ne Yokim ne Koseba mmarima ne Yoas ne Saraf a wɔyɛ ofiwuranom, Moab ne Yasubi-lahem. (Nso nsɛm no yɛ adedaw.)

²³Wɔn ne nkukunwemfo ne wɔn a wɔte Netaim ne Gedera wɔ ɔhene nkyɛn, n’adwuma mu hɔ na wɔte.

²⁴ Simeon mma ne: Nemuel ne Yamin, Yarib, Serah ne Saul;

²⁵ne ba Salum, ne ba Mibsam, ne ba Misma.

²⁶Na Misma mma ne: Ne ba Hamuel, ne ba Sakur, ne ba Simei.

²⁷Na Simei wɔ mmammarima dunsia ne mmabea baasia; nso ne nuanom annya mma bebree, na wɔn abusua nyinaa ase amfɛe sɛ Yuda mma.

²⁸ Na wɔtenaa Beer-seba ne Molada ne Hasar-sual,

²⁹ne Bilha ne Esem ne Tolad,

³⁰ne Betuel ne Horma ne Siklag,

³¹ne Bet-markabot ne Hasar-susim ne Bet-biri ne Saaraim. Eyinom ne wɔn nkurow beduu Dawid ahenni so.

³²Na wɔn nkuraa ne Etam ne Ain, Rimon ne Token ne Asan: Nkurow anum;

³³ne wɔn nkuraa a ɛwowɔ nkurow yi ho nyinaa de kosii Baal. Eyi ne wɔn tenabea horow ne wɔn mmusua nkanee.

³⁴Na Mesobab ne Yamlek ne Amasia ba Yosa,

³⁵ne Yoel ne Asiel ba Seraia ba Yosibia ba Yehu,

³⁶ne Elioenai ne Yaakoba ne Yesohaia ne Asaia ne Adiel ne Yesimiel ne Benaia,

³⁷ne Semaia ba, Simri ba, Yedaia ba, Alon ba, Sifi ba Sisa,

³⁸eyinom a wɔabobɔ wɔn din yi yɛ wɔn mmusua mu mmapɔmma, na wɔn mpanyimfi trɛwee pii.

³⁹Na wosiim kɔɔ nea wɔnam kɔ Gedor, obon no apuei fam sɛ wɔkɔhwehwɛ adidibea ama wɔn nguan.

⁴⁰ Na wohuu adidibea frɔmfrɔm a eye, na asase no mu trɛw haharaa, na ɛso dwo komm; na wɔn a wɔtete hɔ kan no fi Ham.

⁴¹ Ɛnna eyinom a wɔakyerɛw wɔn din no kɔe, Yuda hene Hesekia bere so, kɔtoaa Maonfo a wohuu wɔn wɔ hɔ no ne wɔn ntamadan, na wokunkum wɔn pasaa de besii nnɛ, na wɔtenatenaa wɔn afa hɔ, efisɛ adidibea wɔ hɔ ma wɔn nguan.

⁴²Na Simeon mma no ara mu mmarima ahanum fii wɔn mu siim kɔɔ Seir bepɔw so, na Pelatia ne Nearia ne Refaia ne Usiel a wɔyɛ Yisi mma di wɔn ti.

⁴³ Na wokokunkum Amalek aguanfo no nkae, na wɔtenaa hɔ de besii nnɛ.