Read Revised Akuapem Twi DC-KYERƐW KRONKRON Nehemia 7 Bible Online

Nehemia 7 - Revised Akuapem Twi DC-KYERƐW KRONKRON bible

Nehemia 7

¹Na ɛbae sɛ wɔtoo afasu no no, na misii apon no, wɔhyehyɛɛ aponanohwɛfo ne nnwontofo ne Lewifo.

²Na mede Yerusalem hyɛɛ me nua Hanani ne Hanania, aban no mu safohene no nsa efisɛ, na ɔyɛ ɔbarima nokwafo a osuro Onyankopɔn sen nnipa pii,

³na misee wɔn sɛ: Mommma wonnhiɛ Yerusalem apon gye sɛ owia mu ayɛ den ansa. Na wɔda so gyina hɔ yi wɔnkeka apon no ntoto mu, na montoto akyiri. Na momfa Yerusalemfo awɛmfo nsisi hɔ, onipa biara nipa nnyina ne wɛn so ne ne fi ntentenso.

⁴Na kurow no mu bae tɛtrɛɛ na ɛso, na nnipa a wɔwɔ mu no sua, na adan nso, wonsisii ɛ.

⁵Na me Nyankopɔn de hyɛɛ me koma mu sɛ memmoa mmapɔmma ne mpanyimfo ne ɔman no ano na wɔnkan wɔn, wɔn mmusua so. Na mihuu wɔn a wɔforo bae kan no ho mmusua nkanee nhoma, na mihui sɛ wɔakyerɛw mu sɛ:

⁶ Eyinom ne ɔmantam no mufo a wofi nnommum a, Babel hene Nebukadnesar de wɔn kɔe no mu foro bae na wɔsan baa Yerusalem ne Yuda kokɔɔ wɔn nkurow mu

⁷a wɔne Serubabel, Yesua, Nehemia, Asaria, Raamia, Nahamani, Mordekai, Bilsan, Misperet, Bigwai, Nehum ne Baana bae no. Israel man mu mmarima dodow ni:

⁸Paros mma, mpennu ɔha aduɔsɔn abien.

⁹Sefatia mma: Ahasa aduɔsɔn abien.

¹⁰Arah mma: Ahansia aduonum abien.

¹¹Pahat-moab mma: Yesua ne Yoab mma de: Mpennu ahanwɔtwe ne dunwɔtwe.

¹²Elam mma: Apem ahanu aduonu anan.

¹³Satu mma: Ahanwɔtwe aduanan anum.

¹⁴Sakai mma: Ahansɔn aduosia.

¹⁵Binui mma: Ahansia aduanan awotwe.

¹⁶Bebai mma: Ahansia aduonu awotwe.

¹⁷Asgad mma: Mpennu ahasa aduonu abien.

¹⁸Adonikam mma: Ahansia aduosia asɔn.

¹⁹Bigwai mma: Mpennu aduosia asɔn.

²⁰Adin mma: Ahansia aduonum anum.

²¹Ater mma: Hesekia de: Aduakron awotwe.

²²Hasum mma: Ahasa aduonu awotwe.

²³Besai mma: Ahasa aduonu anan.

²⁴Harif mma: Ɔha ne dumien.

²⁵Gibeon mma: Aduakron anum.

²⁶Betlehem ne Netofa mmarima: Ɔha aduɔwɔtwe awotwe.

²⁷Anatot mmarima: Ɔha aduonu awotwe.

²⁸Bet-asmawet mmarima: Aduanan abien.

²⁹Kiriat-yearim, Kefira ne Beerot mmarima: Ahansɔn aduanan abiɛsa.

³⁰Rama ne Geba mmarima: Ahansia aduonu biako.

³¹Mikmas mmarima: Ɔha aduonu abien.

³²Betel ne Ai mmarima: Ɔha aduonu abiɛsa.

³³Nebo biako no mmarima: Aduonum abien.

³⁴Elam biako no mma: Apem ahanu aduonum anan.

³⁵Harima mma: Ahasa aduonu.

³⁶Yeriko mma: Ahasa aduanan anum.

³⁷Lod, Hadid ne Ono mma: Ahansɔn aduonu biako.

³⁸Senaa mma: Mpensa ahankron aduasa.

³⁹Asɔfo no: Yedaia mma, Yesua fi de: Ahankron aduɔsɔn abiɛsa.

⁴⁰Imer mma: Apem aduonum abien.

⁴¹Pashur mma: Apem ahanu aduanan asɔn.

⁴²Harim mma: Apem ne dunsɔn.

⁴³Lewifo: Yesua mma, Kadmiel de, Hodewa mma de: Aduɔsɔn anan.

⁴⁴Nnwontofo: Asaf mma: Ɔha aduanan awotwe.

⁴⁵Aponanohwɛfo: Salum mma, Ater mma, Talmon mma, Akub mma, Hatita mma, Sobai mma: Ɔha aduasa awotwe.

⁴⁶Nsɔfokwaa: Siha mma, Hasufa mma, Tabaot mma,

⁴⁷Keros mma, Sia mma, Padon mma,

⁴⁸Lebana mma, Hagaba mma, Salmai mma,

⁴⁹Hanan mma, Gidel mma, Gahar mma,

⁵⁰Reaia mma, Resin mma, Nekoda mma,

⁵¹Gasam mma, Usa mma, Pasea mma,

⁵²Besai mma, Meunim mma, Nefusesim mma,

⁵³Bakbuk mma, Hakufa mma, Harhur mma,

⁵⁴Baslit mma, Mehida mma, Harsa mma,

⁵⁵Barkos mma, Sisera mma, Temah mma,

⁵⁶Nesia mma, Hatifa mma.

⁵⁷Solomon nkoa mma: Sotai mma, Soferet mma, Perida mma,

⁵⁸Yala mma, Darkon mma, Gidel mma,

⁵⁹Sefatia mma, Hatil mma, Pokeret-hasebaim mma, Amon mma.

⁶⁰Nsɔfokwaa ne Solomon nkoa mma no nyinaa: Ahasa aduakron abien.

⁶¹Na eyinom ne wɔn a wofi Tel-mela, Tel-harsa, Kerub, Adon, Imer foro bae, na wɔantumi ankyerɛ wɔn mpanyimfi ne wɔn ase sɛ Israel mu na wofi:

⁶²Delaia mma, Tobia mma, Nekoda mma: Ahansia aduanan abien.

⁶³Na asɔfo mu: Habaia mma, Hakos mma, Barsilai a ɔwaree Gileadni Barsilai mmabea mu bi na wɔde wɔn din too no mma,

⁶⁴eyinom hwehwɛɛ wɔn mmusua nkyerɛwee, na wɔanhu. Na wobuu wɔn sɛ wɔn ho ntew nti, woyii wɔn fii asɔfodi mu.

⁶⁵Na amrado no ka kyerɛɛ wɔn sɛ wonnni akronkronne mu ade kronkron no bi nkosi sɛ ɔsɔfo bi de Urim ne Tumim.[4]

⁶⁶Bagua mu no nyinaa ano si mpem aduanan abien ne ahasa aduosia,

⁶⁷ɛsono wɔn nkoa ne wɔn mfenaa, wɔn nso si mpemnsɔn ahasa aduasa asɔn; na wɔwɔ nnwontofo mmarima ne mmea ahanu aduanan anum.

⁶⁸Wɔn apɔnkɔ si ahansɔn aduasa asia, wɔn mfurumpɔnkɔ, ahanu aduanan anum.

⁶⁹Yoma: Ahanan aduasa anum; mfurum: Mpemnsia ahansɔn aduonu.

⁷⁰ Na agyanom atitiriw no mu fa bi bɛkyɛɛ adwuma no ho ade: Amrado no maa sika nsuruboaa apem, nkora aduonum, asɔfotade ahanum ne aduasa, sɛ wɔmfa ngu akorade no mu.

⁷¹Na agyanom atitiriw no mu binom maa adwuma no ho akorade sika nsuruboaa ɔpeduonu, ne dwetɛ mmɛnnaa mpennu ahanu.

⁷²Na nea ɔman no nkae no mae ne sika nsuruboaa ɔpeduonu ne dwetɛ mmɛnnaa mpennu ne asɔfotade aduosia asɔn.

⁷³Na asɔfo ne Lewifo ne aponanohwɛfo ne nnwontofo no ne ɔman no mu bi ne nsɔfokwaa no ne Israel nyinaa tenatenaa wɔn nkurow mu.