Read Revised Akuapem Twi DC-KYERƐW KRONKRON Hiob 10 Bible Online

Hiob 10 - Revised Akuapem Twi DC-KYERƐW KRONKRON bible

Hiob 10

¹Me nkwa yɛ me kra nwini, megyaa m’apinisi mu wɔ me mu, mɛkasa m’awerɛhow mu.

²Mese Onyankopɔn sɛ: Mmu me fɔ, ma minhu dekode a enti wo ne me ham yi.

³So eye ma wo sɛ wohyɛ obi so, sɛ wopa wo nsa ano adwuma na wopene abɔnefo agyina so?

⁴ So wowɔ honam aniwa anaasɛ wuhu ade sɛ ɔdesani hu no?

⁵So wo nna te sɛ ɔdesani nna anaa wo mfe te sɛ onipa nna anaa?

⁶Sɛ wohwehwɛ me mfomso akyi kwan na wudi me bɔne akyi?

⁷Nanso wunim sɛ menyɛ ɔbɔnefo, na obi nni hɔ a obegye wo nsam.

⁸ Wo nsa na ɛnwenee me na ɛyɛɛ me, me nipa mu nyinaa prɛko, ɛnna woamene me yi.

⁹ Kae sɛ wonwenee me sɛ anwemmo, na wobɛma madan mfutuma bio?

¹⁰So woanhwie me angu sɛ nufusu na woma mipiwii sɛ nufusu a akyenkyen sebɔw?

¹¹Wode were ne nam na ɛhyɛɛ me, na wode nnompe ne ntini wurawuraa me mu.

¹²Nkwa ne adɔe na wode ayɛ me, na wo hwɛ nso wɛn me honhom.

¹³Na eyinom na wode siee wo komam, mahu sɛ eyi na wode atia me.

¹⁴Sɛ meyɛ bɔne a, wobɛhwɛ me, na woremmu me bem me mfomso ho.

¹⁵Sɛ midi abɔnefosɛm a, minnue; na sɛ meteɛ nso a, meremma me ti so; efisɛ ahohora ahyɛ me ma, na mehwɛ m’amanehunu.

¹⁶ Na sɛ mema me ho so a, wubetiw me sɛ gyata, na woasan ne me adi anwonwasɛm.

¹⁷Na wode w’adansefo afoforo ara abegyina m’anim, na woama w’abufuw adɔɔso wɔ me so, na dɔm a ɛto dɔm abegu me so.

¹⁸ Adɛn nti na wuyii me fii ɔyafunu mu? Sɛ anka minya migyaa mu na aniwa bi anhu me ɛ!

¹⁹Sɛ minya meyɛe sɛ ade a enni hɔ ɛ! Mifii ɔyafunu mu no, wokogyaa me ɔda mu ɛ!

²⁰So me nna nyɛ kakraa bi? Ma onnyaa me, onyi n’ani mfi me so, na me ho nsan me kakra,

²¹ ansa na makɔ nea merensan memma, na makɔ sum ne sunsuma asase so,

²²sum kabii a ɛte sɛ ɔdasum tumm asase, sunsuma ne sakasaka asase a ɛso hann te sɛ ɔdasum tumm no.