Read Revised Akuapem Twi DC-KYERƐW KRONKRON Hiob 36 Bible Online

Hiob 36 - Revised Akuapem Twi DC-KYERƐW KRONKRON bible

Hiob 36

¹Na Elihu kɔɔ so sɛ:

²Ma me kwan kakra, na menkyerɛ wo, na meda so wɔ nsɛm bi meka ma Onyankopɔn.

³Mɛfa me nimdeɛ afi akyirikyiri, na mede me yɛfo no bem mama no.

⁴Na ampa, me nsɛm nyɛ atoro! Nea odi mu nimdeɛ mu na ɔne wo wɔ hɔ yi.

⁵Hwɛ, Onyankopɔn yɛ kɛse, na ommu obi animtiaa, ɔyɛ ɔkɛse ntease tumi mu.

⁶ Ɔmma ɔbɔnefo nnya nkwa, na ɔde amanehunufo bem ma wɔn.

⁷Onyi n’ani mfi ɔtreneeni so, na ɔma wɔne ahene tena agua so daa, na wɔma wɔn so.

⁸Na sɛ wɔagu wɔn nkɔnsɔnkɔnsɔn, na wɔde amane nhama akyere wɔn a,

⁹ɛnna ɔka wɔn nneyɛe kyerɛ wɔn, ne wɔn mmarato, sɛ wɔama wɔn ho so,

¹⁰ na obue wɔn aso ma nteɛso, na ɔka sɛ wɔnsan mfi abusude ho.

¹¹Sɛ wotie na wɔsom no a, wowie wɔn nna di yiyedi mu, ne wɔn mfe nso, nea ɛyɛ wɔn dɛ mu.

¹²Na sɛ wɔantie a, wɔtɔ dade ano, na wogyaa mu, nimdeɛ a abɔ wɔn no mu.

¹³Na koma mu ansuronyamefo kora abufuw, sɛ ɔkyekyere wɔn a, wɔnkotɔ nsrɛ.

¹⁴Wɔn kra wu mmerantebere mu, na wɔn nkwa sɛe sɛ nguamanfo de no.

¹⁵ Oyi ɔmanehunufo n’amane mu, na obue wɔn aso ahoguan no mu.

¹⁶Anka obegye wo nso afi ahohia mu akɔ nea ɛhɔ trɛw a ahokyere nni hɔ, na srade ayɛ wo pon so aduan ma.

¹⁷Nanso ɔbɔnefo atemmu ayɛ wo ma, atemmu ne atɛntrenee aso wo mu.

¹⁸Na mma abufuw nnnyigye wo nnkɔ ahiiyi mu, na mma agyede no dodow nnhima w’ani.

¹⁹So w’ahonyade anaa wo tumi ahoɔdenne nyinaa de wo besi nea ahohia nni hɔ anaa?

²⁰Mpere anadwo ho, sɛ ɛmmɛpra aman mfi wɔn afa.

²¹Hwɛ yiye, nnan w’ani nkɔ ahuhude so, efisɛ wopɛ ɛno mmom sen amanehunu.

²² Hwɛ, Onyankopɔn di ne tumi mu asɛnkɛse, hena ne ɔkyerɛkyerɛfo sɛ ɔno?

²³Hena na ɔhyɛɛ no sɛnea ɔnyɛ n’ade mfa, na hena na ɔbɛka sɛ: Woadi asɛmmɔne?

²⁴Kae sɛnea wobɛkamfo ne nneyɛe a adasamma ato ho dwom no.

²⁵Nnipa nyinaa hwɛ ara; ɔdesani fi akyirikyiri hwɛ.

²⁶Hwɛ, Onyankopɔn so, na yennim no, ne mfe dodow nso mu nni hwehwɛbea.

²⁷ Ɔno na ɔtwe nsu atɔwatɔw, a ɛsosɔ ne mununkum mu su,

²⁸a efi mununkum mu tɔ gu fam, ɛtɔ pii gu nnipa so.

²⁹ So obi betumi ate omununkum mu trɛw ne ne ntamadan mu kurududuyɛ no ase anaa?

³⁰ Hwɛ, ɔtrɛw ne hann mu wɔ no so, na ɔkata po ntini so.

³¹Na ɛno na ɔde di aman asɛm, ɔde aduan bebree nso ma.

³²Ɔde hann katakata ne nsa ho, na ɔhyɛ ma ekosi botae bi mu,

³³Ne mmobom ka ne ho asɛm, mmoakuw po ka asɛm fa ahum a ɛreba no ho.