Read Revised Akuapem Twi DC-KYERƐW KRONKRON Nnwom 108 Bible Online

Nnwom 108 - Revised Akuapem Twi DC-KYERƐW KRONKRON bible

Nnwom 108

¹Dawid dwom Me koma atim, Onyankopɔn, mɛto dwom, na mayi ayɛ, m’anuonyam na ɛbɛyɛ saa.

²Bɛnta sanku ne sankuten, nyan, menyan adekyeehema.

³AWURADE, mɛda wo ase, aman mu, na mɛto ayeyi dwom mama wo, aman mu.

⁴Na w’adɔe so tra ɔsoro, na wo nokware du wim tɔnn.

⁵Onyankopɔn, ma wo ho so tra ɔsoro, na ma w’anuonyam so asase nyinaa so.

⁶Nea ɛbɛyɛ na woagye w’adɔfo nti, fa wo nifa gye yɛn nkwa, na gye me so.

⁷Onyankopɔn akasa ne kronkronyɛ mu; medi ahurusi, mɛkyɛ Sekem mu, na masusuw Sukot bon.

⁸Gilead wɔ me, Manase wɔ me, na Efraim yɛ me ti so dade kyɛw, Yuda yɛ m’ahempoma.

⁹Moab yɛ me guasɛn, Edom so na mɛtow me mpaboa magu, Filistia so na mɛbɔ ose.

¹⁰Hena na ɔde me bɛkɔ kurow dennen no mu, hena na obegya me akɔ Edom?

¹¹Onyankopɔn, ɛnyɛ wo na woasum yɛn agu yi, na wo, Nyankopɔn, ne yɛn dɔm ankɔ?

¹²Bɛboa yɛn fi ahohia mu, na onipa gye nyɛ ogye bi.

¹³Yɛde Nyankopɔn na ɛbɛyɛ mmaninne, na ɔno na obetiatia yɛn ahohiafo so.